Maharjan Ratna

सुरेश मानन्धर नेपाःया फुक्क कथंयापिं उत्पीडित समुदायया अधिकारया लागिं संघर्षय् न्ह्यब्वानादीम्ह न्ह्यलुवाः भाजु पद्मरत्न तुलाधर । वय्कः मदुगु थनिं दछि फुत । थौं वय्कःया दकिला । थ्व न्हियात लुमंकाः नेवाः आन्दोलनकारीतय्सं थीथी कथंया ज्याझ्वःत न्ह्याकाच्वंगु दु । वय्कःयात लुमंकाच्वंगु दु । वय्कः नेवाः लगायत आदिवासी जनजाति, मानव अधिकार आन्दोलनया छम्ह गबलें ल्वःमंके मफइम्ह व्यक्तित्व खः । पद्मरत्न तुलाधरजुं थःगु जीवनयात बहुआयामिक भूमिकाय् विस्तार यानादीगु दु । नेपालभाषाया स्कूलस्तरीय विद्यार्थीतय्गु साहित्यिक ज्याझ्वःया छम्ह सामान्य कार्यकर्ता जुयाः शुरु जूगु वय्कःया सार्वजनिक जीवन विश्वय् हे हलचल हयेत ताःलाःगु सशस्त्र जनयुद्धयात शान्तिपूर्ण निष्कर्षय् थ्यंकेगु तकया तःजिगु अभिभाराय् न्यनावन । वय्कःया जीवनकालय् जनताया