काठमाडौंमा आज ‘ वाक फर पिस’ टोली आइपुग्दै, यस्तो छ आजको तालिका

‘इन्टरनेसनल वाक फर पिस’ नेपालका संयोजक नरेन्द्र मानन्धरका अनुसार आदरणीय बौद्ध भिक्षुहरू रत्नगुण, पण्णाकारा, पिचेत केतमी, र खंगथोन फ्रा सुपालक लगायतको टोली आलोक भैरहवाबाट भैरहवा हवाई मार्ग हुँदै आज बिहान करिब १० बजे त्रिभुवन अन्तर्राष्ट्रिय विमानस्थल, काठमाडौंमा आइपुग्ने कार्यक्रम रहेको छ।

नेपाल संवत् ११४७, वि.सं. २०८३ असार १ गते (जुन १५, २०२६) काठमाडौँ आइपुग्ने उक्त टोलीको आजको व्यस्त समय तालिका यसप्रकार तय गरिएको छ:

आजको भ्रमण तथा कार्यक्रम तालिका:

बिहान १०:३० बजे: ऐतिहासिक चारूमति स्तूपको भ्रमण।

बिहान ११:०० बजे: खास्ति महाचैत्य बौद्ध स्तूप (बौद्धनाथ) को दर्शन तथा भ्रमण।

दिउँसो १:०० बजे: स्वयम्भू महाचैत्य र आनन्दकुथि विहारको अवलोकन।

अपरान्ह ४:०० बजे: सम्माननीय राष्ट्रपतिज्यूको कार्यालय (शीतल निवास) मा शिष्टाचार भेटघाट।

समय अनुकूल भएमा: श्रीघ चैत्य र कनक चैत्य महाविहारको समेत भ्रमण गरिनेछ।

आयोजकका अनुसार विशेष कारणवश विमान अवतरणमा ढिलाइ भएमा राष्ट्रपति कार्यालयको भेटघाट बाहेक अन्य स्थानीय स्थानहरूको भ्रमण तालिकामा केही समय थपघट वा तलमाथि हुन सक्ने जनाइएको छ।

आदरणीय भिक्षु पण्णाकाराको तर्फबाट संयोजक नरेन्द्र मानन्धरले यस पावन तथा शान्ति यात्राका सम्पूर्ण कार्यक्रमहरूमा सहभागी भई सफल बनाइदिनका लागि सबैमा हार्दिक आह्वान समेत गर्नुभएको छ। ‘वेलकम टु लुम्बिनी: वाक फर पिस इन नेपाल २०२६’ अन्तर्गत जुन १४ देखि १६ सम्म विभिन्न कार्यक्रमहरू सञ्चालन भइरहेका छन्।