कुवेतमा पनि नेपाल संवत नयाँ वर्ष र म्हपुजा पर्व मनाइने

विश्वभर १३० राष्ट्रमा रहेका नेवा: समुदायले बिभिन्न स्थानहरुमा विविध कार्यक्रमहरु सहित म्हपुजा गर्ने तथा नेपाल संवत्को नयाँ वर्ष मनाइँदै आएको लामो समय भइसकेको छ । यसैवीच नेपाल भाषा र संस्कृतिको निरन्तरताको निम्ती कार्य गर्दै आएको मध्यपूर्वस्थित नेवा: गुथी कुवेतले पनि आउँदो अक्टोबर १ तारिखका दिन म्हपुजा गर्ने कार्यक्रम राखेको जानकारी उक्त गुथिका सांस्कृतिक संयोजक उदास श्रेष्ठले जानकारी दिनु भएको छ ।
सन २०११ मा स्थापना भएको उक्त गुथिको हाल सुरज मास्केको अध्यक्ष्तामा पुनर्गठन भएपछि यसरी म्हपुजा र नयाँ वर्षको कार्यक्रम हुन लागेको हो ।कार्यक्रम युनिक अडिटोरियम हल फरवानियामा स्थानीय समय अनुसार साँझ ५ बजे हुने जनाइएको छ साथै उक्त कार्यक्रमा सहभागिताको लागी आह्वान पनि गरिएको छ ।