नेवाः न्ह्यलुवा मल्ल के. सुन्दर ज्याझ्वलय् मू पाहाँ मजुइगु

नेवाः न्ह्यलुवा मल्ल के. सुन्दर ज्याझ्वलय् मू पाहाँ मजुइगु
च्वय् दबुली मच्वनीगु
हनापौ /च्वछनापौ /सुभाय्पौ मकाइगु
सिरपाः/दां /ज्वलं मकाइगु खँ धाःगु दु
“ब्यक्तियात मखु, बिचाःयात च्वछायेनु ! याकःछियात मखु झी नेवाःजःछियात थकायेनु”

नेवाः न्ह्यलुवा मल्ल के. सुन्दरया छगू इनाप वःगु दु । सकल नेवाः खलःपुचःयापिन्त वयकलं मू पाहां विशेष पाहांकथं ब्वना मदीत इनाप यानादीगु दु । लिसें वयकलं सामान्य पाँहाँ कथं थःगु ब्वति दयावंच्वनी धैगु खँ न्ह्यथनादीगु दु । वयकलं छगू इनाप जारी यानादिसें थःगुखँ धयादीगु खः ।

 वयक:या इनाप

-आवंलि गुगु नं ज्याझ्वलय् जितः मूपाँहाँया ल्याखं ब्वनेगु यानादी मते (सामान्य पाँहाँ कथं जिगु ब्वति दयावंच्वनी ) विन्तियाना
– छिकपिनिगु ज्याझ्वलय् जितः च्वय् दबुली मखु मेमेपिं थें क्वय्या झ्वलय् च्वनेगु सुविधा बियादिसँ
– आसन ग्रहण धकाः दबुलिं जिगु नां बय्बय्यायेगु यानादीमते
– ज्याझ्वलय् स्वांमाः, स्वांम्हू, खादागा, सिन्हः, संगः आदि फयाकायेत जितः वाध्य यानादीमते
– गुगु नं खलः÷पुचः वा ब्यक्तियापाखें हनेकथं हनापौ÷च्वछनापौ÷सुभाय्पौ लःल्हानाबियामदीत विन्ति यानाच्वना
– गुगु नं खलः÷पुचः वा ब्यक्तियापाखें गुगुं नं नामं जितः पद आदि द्यछायेगु यानादीमते
– गुगु नं स्वरुपया सिरपाः÷दां÷ज्वलं जितः लःल्हानामदीत दुनुगलंनिसें विन्तियानाच्वना (छम्हहे मनूयात तःक्वः, तःम्हेसिनं हनाच्वनेगु मयासें न्हूपिं, ल्याय्म्ह पुस्तायात थुकियानिंतिं हःपाः÷अवसर बियादिसँ)
– ब्यक्तियात मखु, बिचाःयात च्वछायेनु ! याकःछियात मखु झी नेवाःजःछियात थकायेनु
– झीगु ज्याझ्वलय् माःसांम्वाःसां जुइगु ताहाकःगु व भ्वासि पहः व औपचारिकतायात सकलें जानाः क्वपालेनु
थ्व इनाप गुगुं आग्रह मखु, जिगु सदाशयता व क्वमिलु भाव जक खः धकाः सकसिनं थुइकाबिया दिसँ न्हा ! सकसिया भिंजुइमा ! सुभाय !