Maharjan Ratna

थौकन्हेया संसार हे मोबाइल । मोबाइल दुने संसार । थौकन्हेया जमानायात नेटवर्कया संसार छगू मदुगु जूसा मिखा दयाः नं मनूत कां बराबर बुद्धि दयाःनं सकलें ध्वां बराबर ” क्वथाय् मोबाइल स्वस्वं बिश्वराम याकःचा भुनुभुनु हालाच्वन । मोबाइलय् वं छम्ह मिसाया फोटो छपाः खन ” अय् थ्व ला म्हस्यू जिं । थ्वया नां प्रगति । थ्वयात ज्याझ्वलय् तःथाय् ध्वदू । मिसाचा नासलं ली । नेवाः बांलू । हाकु पतासिं सिनीबलेला झं पुन्हीया चन्द्रमा थें । बिश्वरामयात “अंकल “धाइ । धायेगु चलन । ताकातुकु वलिसे छताबता खँ नं ब्याः । अयनं म्हस्यूतास्यू

मथुरा सायमि नयेधुंकाः घौछि आनां न्हयः वयेकाच्वनेगु किसलालया बानि । थौ बरू लासाय् मच्वं । सोफाय् फुंग निगः देतनाः अथें हे लिधनाः च्वंच्वन । भमचाम्ह न्ह्यःने वयाः न्यन ,” बाःयात छुं माःसा धैदिसॅ । । मखुसा जि तले वसः निता हियावये । ” ” ज्या दुसा थाहाॅ हुॅ । थन च्वंच्वने म्वाः । छ्यों भचा स्यानाच्वन । कपाः भचा क्वानाच्वन । ज्वर जकं दुला । अथे या रे । निको धाःगु वासः छचाः व लः छगिलास तयाथकि । कपाः स्यानावोसा नयाः छकः ग्वतू वने । बाजुम्हं उजं ब्यू थे वासः

  देनाच्वंम्ह हंसराजया मिं पूम्ह थें मिखा निगलं चालावन । लासाय् फ्यतुनाः छकः कूनल । याकःचा अले पुतुपुतुं हालाहल , ” गपायचो ग्यानापुसे म्हनाच्वंगु जुइ थ्व म्हगस नं ….। मि ह्वाराह्वारां च्यानाच्वंगु । छे- बुॅ हे च्यानाच्वंगु ला । सीपिं जकं छथाय् मुनाः उनाच्वंगु ला । छाय् म्हनाच्वंगु जुइ म्हगस नं थुभनं । धेट् , थथे नं म्हने धयागु दैला । वया छकलं पिशाब याःवने हथाय् जुल । :बाथरूम वन । म्ह भचा सिचु थे जुल । बोटलं लः भचा नं हायाः त्वन । बि, देना हे छ्वये । न्ह्यः