अधिकारकर्मी मल्ल के. सुन्दरको नेपाल भाषाको कृतिको अङ्ग्रेजी संस्करण ‘सेप्टेम्बर १७’ सार्वजनिक

काठमाडौँ, २ साउन / अधिकारकर्मी एवं लेखक मल्ल के. सुन्दरद्वारा लिखित नेपाल भाषाको पुस्तकको अङ्ग्रेजी संस्करण ‘सेप्टेम्बर १७’ (September 17) सार्वजनिक भएको छ ।

काठमाडौँमा आयोजित एक विशेष समारोहका बीच काठमाडौँ महानगरपालिकाकी कार्यवाहक प्रमुख सुनिता डङ्गोलले उक्त अनुदित कृतिको विमोचन गरेकी हुन् ।

पुस्तकमार्फत नेवार समुदायका विविध पक्ष, भाषा, र संस्कृतिको गहिरो चित्रण गरिएको भन्दै विमोचन कार्यक्रममा विभिन्न क्षेत्रका व्यक्तित्वहरूले यसको महत्त्वमाथि प्रकाश पारे:

काठमाडौँ महानगरपालिकाकी कार्यवाहक प्रमुख सुनिता डङ्गोललेअनुदित कृतिको विमोचन गर्दै कार्यवाहक प्रमुख डङ्गोलले पुस्तकमा नेवार समुदायको जीवन्त इतिहास र समसामयिक

विषयवस्तुहरूलाई सान्दर्भिक रूपमा समेटिएको बताइन् ।

वरिष्ठ समालोचक डा. अभि सुवेदीलेसाहित्यिक माध्यमबाट लेखकले नेवार समुदायको रैथाने भाषा, संस्कार, संस्कृति र सभ्यतालाई सुन्दर ढङ्गले लिपिबद्ध गरेको धारणा राखे ।

नेपाल भाषा एकेडेमीका पुष्पराज राजकर्णिकारले नेपाल भाषाको संरक्षण, संवर्द्धन र यसलाई विश्वसामु पुर्‍याउन यो पुस्तक अत्यन्त उपयोगी साबित हुने विश्वास व्यक्त गरे ।

लेखक मल्ल के. सुन्दर: आफ्नो समुदायमा आफैँले भोगेका, महसुस गरेका र अनुभव गरेका यथार्थपरक विषयहरूलाई इमानदारीपूर्वक पुस्तकमा उतारेको जानकारी दिए ।

नेपाल भाषाको मूल कृतिलाई ज्योति तुलाधरले अङ्ग्रेजीमा अनुवाद गरेकी हुन् भने यस पुस्तकको प्रकाशन आदर्श इन्टरप्राइजेजले गरेको हो । अङ्ग्रेजी संस्करणको प्रकाशनसँगै

नेवार समुदायको भाषा र संस्कृति वैश्विक पाठकमाझ पुग्ने अपेक्षा गरिएको छ ।