Maharjan Ratna

वीरगंज , २ कछलागा : मधेस प्रदेशया मुख्यमन्त्री सतिशकुमार सिंहलिसें निसः व ५१म्हेसिया प्रतिनिधिमण्डल वइगु मंसिर २१ गते जुइगु जानकी विवाह महोत्सवया ब्वना–पौ ज्वनाः वीरगंजं भारतया उत्तरप्रदेशया अयोध्याय् च्वंगु श्रीराम मन्दिरपाखें वंगु दु । विश्व हिन्दू परिषद् जनकपुरया प्रमुख सन्तोषकुमार साहं मुख्यमन्त्रीनापं दूगु प्रतिनिधिमण्डल थौँ वीरगंजं रक्सौलनाका जुकाः अयोध्या वंगु धयादिल । “शनिबाः जनकपुरं बाजं थानाः ब्वना–पौ यात्रा न्ह्याकाःगु खः । शनिबाः बहनी वीरगंजय् हयाः बाय् च्वना । थौँ बहनीतकया दुने उत्तरप्रदेशया अयोध्या थ्यंकेगु जुइ । अयोध्या थ्यनेधुंका उगु मन्दिरया पदाधिकारीयात जानकी विवाह महोत्सवया ब्वना–पौ लःल्हाइ”, वय्कलं धयादिल, “सोमबाः अयोध्याय्

येँ, २ कछलागा : न्हापाया सभामुख दमननाथ ढुङ्गाना थौं मन्त । बानेश्वरय् च्वंगु फ्रन्टलाइन अस्पतालय् वासः यायेगु झ्वलय् ८३ दँया वैसय् न्हिनसिया १ः३० ताःइलयु मदूगु ढुङ्गानाया स्वकीय डा रुद्र शर्मां कनादिल । वरिष्ठ अधिवक्ताया नं म्हसिका दुम्ह वय्कः छुँ ई न्ह्यःनिसें स्येँया ल्वचं म्हंमफया च्वंगु खः । विसं २०४८ य् येँ क्षेत्र नं २ नं नेपाली कांग्रेसपाखें प्रतिनिधिसभाय् त्यानाःलि वय्क २०४८ निसें २०५१ तक्क सभामुख जुयादीगु खः । वय्कया जहान, निम्ह काय् व छम्ह म्ह्याय् दी। मदुम्ह ढुङ्गानाया अन्त्येष्टि कन्हय् जुइ ।