Maharjan Ratna

काठमाडौँ/ निकै लोकप्रिय बनेकी नेपालकी मेनुका पौडेल भारतीय टेलिभिजन रियालिटी शो ‘इण्डियन आइडल’को प्रतिस्पर्धाबाट बाहिरिएकी छन् । आइतबारको एपिसोडमा उनी बाहिरिएको घोषणा भएको हो । नयाँ पुराना हिन्दी गीतहरुलाई निकै मर्मस्पर्शी तरीकाले प्रस्तुत गरेर निकै तहल्का मच्चाएकी मेनुकाले इन्डियन आइडलबाट बाहिरीए पछि सामाजिक संजाल मार्फत आफ्नो इण्डियन आइडलको यात्रा टुंगिएको बताउँदै तर जीवनको सांगीतिक यात्रा भर्खर सुरु भएको बताएकि छिन् । उनले फिल्मको गायन, रेकर्डिङ र कन्सर्टमा साथ दिन फ्यानलाई आग्रह गरेकी छन् । उनले भारतको ठूला ठूला फिल्ममा समेत गीत गाउने अवसर पाइसकेकी छिन । प्रतिक्रिया दिनुहोस्

काठमाडौं /जनगायक भृगुराम श्रेष्ठ तथा सदाबहार गायक योगेश वैद्यको एक श्रद्धाञ्जली सभा आयोजना गरिएको छ । नेवा: देय् दबू , न्हूदँ राष्ट्रिय समारोह समितिको आयोजनामा भएको श्रद्धाञ्जली सभालाई सम्बोधन गर्दै देय् दबूका अध्यक्ष पवित्र बज्राचार्यले श्रष्टाहरुलाई जिउँदै सम्मान गर्न सकेमात्र नयाँ श्रष्टा सर्जकहरुले पनि आफ्नो जीवन यस विधामा अर्पन गर्न सक्ने बताउँदै उहाँहरुलाई जीवनकालमै गर्नुपर्ने सम्मानमा केही कमी हुन गएकोमा  दु:ख व्यक्त  गरे । नेपाल भाषा साहित्य संगीत अनि कलाका विभिन्न क्षेत्रका व्यक्तिहरुको सहभागिता रहेको श्रद्धाञ्जली कार्यक्रममा परम्परागत बौद्ध धर्म अनुसार प्रा.डा. नरेशमान बज्राचार्यसहितले दुर्गतिपरिशोधन सूत्र  पाठ गरेका थिए ।