Maharjan Ratna

काठमाडौं / बाढी तथा पहिराको कारण करीब तीन महिना बन्द भएको तातोपानी नाका खुलेको एक दिनमै पुनःबन्द भएको हो । भन्सार सामग्री लोड अनलोड गर्ने मजदूरमा कोभिड–१९ सङ्क्रमण पुष्टि भएपछि चीनले नाका बन्द गरेको हो । चीनतर्फ सामग्री लोड अनलोड गर्न गएका ३३ मजदूरको स्वास्थ्य परीक्षण गर्दै स्वाब सङ्कलन गरिएकामा सात जनामा सङ्क्रमण देखिएपछि चीनले एकतर्फी रुपमा बन्द गरेको तातोपानी भन्सार कार्यालय प्रमुख लालबहादुर खत्रीले बताए । नेपालमा परीक्षण गर्दा ती मजदूरको कोरोना रिपोर्ट नेगेटिभ आए पनि चीनतर्फ परीक्षण गर्दा पोजेटिभ देखिएकाले अर्को सोमबारसम्मका लागि आयातनिर्यात बन्द गरिएको हो ।

बुटवल / विरोध प्रदर्सन र वादविवादकाबीच प्रदेश ५ को नाम लुम्बिनी र स्थायी राजधानी दाङ जिल्लाको देउखुरी उपत्यकाको भालुवाङ घोषणा भएको छ । प्रदेश नं. ५ प्रदेश सभाको आज असोज २० मंगलबार बसेको वैठकमा भएको मत विभाजनका आधारमा सरकारको प्रस्ताव पारित भएको हो ।                      सरकारले दाङ जिल्लाको भालुवाङ क्षेत्रमा प्रदेशका स्थायी राजधानी कायम गरियोस भनी गत शुक्रवार प्रदेश सभामा प्रस्ताव गरेको थियो ।नाम र राजधानी प्रस्ताव प्रस्तुत गर्ने क्रममा प्रदेश सभामा प्रतिपक्षी सांसदहरुले आफू बसेको मेच टेबुलमा बजार्दै विरोध जनाएका

काठमाडौं / काठमाडौं उपत्यकामा आज असोज २० गते १ हजार १७ जनामा संक्रमणको पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा उपत्यकाका तीन जिल्लामध्ये काठमाडौंमा ७८३, ललितपुरमा ११६ र भक्तपुरमा ११८ जनामा संक्रमणको पुष्टि भएको जनाएको छ । आज देशभर १ हजार ५५१ जना नयाँ संक्रमित थपिएका छन् । यसरी आजसम्म नेपालमा संक्रमितको संख्या ९० हजार ८१४ पुगेको छ । त्यसैगरी पछिल्लो चौबीस घण्टामा देशैभरिबाट २ हजार ३४० जना संक्रमित निको भएर घर फर्केका छन् ।त्यसैगरी आजसम्म ६७ हजार ५४२ जना कोरोनामुक्त भएका छन् । हाल

काठमाडौं / काठमाडौं उपत्यकामा आज कोरोनाभाइरसका १ हजार ५३१ जना संक्रमित थपिएका छन् । स्वास्थ्य तथा जनसंख्या मन्त्रालयका अनुसार उपत्यकामा थपिएका संक्रमितमध्ये काठमाडौं जिल्लामा सबैभन्दा बढी १ हजार १७८ जना ललितपुरमा २५० र भक्तपुरमा १०३ जना नयाँ संक्रमित पुस्टी भएको छ । पछिल्लो चौबीस घण्टामा १३ हजार ७८१ जनाको पीसीआर परीक्षण गरिएकोमा देशैभरि २ हजार ४४० सङ्क्रमित थपिएका छन्  भने १ हजार १३३ जना संक्रमित निको भएर घर फर्केका छन् ।

काठमाडौं  / महालक्ष्मी नगरपालिका ललितपुरका मेयर रामेश्वर श्रेष्ठले कोरोनालाई जित्न सफल भएका छन् । किष्ट मेडिकल कलेज तथा शिक्षण अस्पतालमा उपचार गराउँदै आएका मेयर श्रेष्ठ २१ औं दिनमा सोमबार डिस्चार्ज भएका हुन् । अस्पतालमा रहँदा मेयर श्रेष्ठलाई अक्सिजन सपोर्ट दिनुका साथै रेमडेसिभिर औषधि समेत प्रयोग गरिएको अस्पतालले जनाएको छ । उपचारकै क्रममा आइतबार गरिएको पीसीआर परीक्षणको रिपोर्ट सोमबार नेगेटिभ आएसँगै मेयर श्रेष्ठलाई डिस्चार्ज गरिएको अस्पतालले जनाएको छ ।

काठमाडौं / मध्यपुर  थिमि नगर पालिका वडा नं ६ का जेष्ठ नागरिक १०१वर्षीया गणेशमाया प्रजापतिले कोरानालाई पराजित गरेर विश्वलाई चकित पारेका छन् । उनी कोरोनलाई पराजित गर्ने संभवत विश्वकै सबैभन्दा बढी उमेरका ज्येष्ठ नागरिक हुन् । उनले कोरोनालाई परास्त गर्न सफल भएकोमा मध्यपुर थिमी नगर पालिकाका मेयर मदन सुन्दर श्रेष्ठले हर्ष व्यक्त गर्दै बधाई ज्ञापन गरेका छन् ।