उत्खनन -पोखरा

उत्खनन् – पोखरा

फेवा अन्जुलिमा सजाएर हेरें
प्रतिबिम्ब, तजिलजिको

देखें भावपूर्ण भिन्तुना,
माछापुछ्रेको सेताम्य छातिमा

ताल बाराहिको मन्दिरमा
अर्पण गरें दीप,
बालेर मनको सुकुन्दा

बिन्देवासिनीको चरणकमलमा
चढाएँ आस्थाका योमरी

शान्ति स्तुपामा गुनगुनाएँ ज्ञानमालाको
सुरिलो स्पन्दन

खोजें पाताले छांङ्गोमा झर्दै खोँचमा विलीन मातृओंठहरु

किन हो मेरो स्वादले खोजिरह्यो
सिन्कामारीमा, चतामरिको सुगन्ध

कठै! समेबजिकाका जिब्रोहरु
बेगनास जतिकै अलग्ग थलग
अदृश्य सेती जस्तै

र, खोजिरह्यो यो समयले

महेन्द्र गुफाहरुमा
चमेरो गुफाहरुमा
अर्मलाका भ्वाङहरुमा

लोकभाकाहरु
पागलबस्तीहरु
एक झुल्को घाम ओर्लेका सडकहरु
र, बागी सारंगीहरु

ज्वजलपा, तारेमाम भन्दै….!
२०७४ बैशाख १
पोखरा