मंका: खल:को मंका:दबूछें शिलान्यास

काठमाडौं /नेपाल भाषा मंका: खल:को मंका: दबूछें मंका: खल:का अध्यक्ष जनकवि  दुर्गालाल श्रेष्ठ , काठमाडौं महानगर पालिकाका मेयर विद्या सुन्दर शाक्य उप-मेयर हरिप्रभा खड्गी ,नेपाल संवत न्हूदँ राष्ट्रीय समारोह समिती ११४० का अध्यक्ष रमेश महर्जन र अग्रज व्यक्तित्वहरुले आज कार्तिक ९ गते शनिबार संयुक्त रुपमा शिलान्यास गर्नुभयो ।
परम्परागत नेवार पूजाविधिबाट मंगलधुन बजाई जगको पहिलो इँटा हाल्ने कार्य सम्पन्न भएको थियो ।
धेरै लामो समयदेखी साझा मन्चको सपना देखेका मातृभाषा अभियन्ताहरु निकै हर्षित देखिन्थे । उत्साहपूर्वक सहभागी भएका पुराना भाषिक कार्यकर्ताहरुको लामोसमयपछिको भेटघाट पूनर्मिलन कार्यक्रमजस्तै देखिएको उक्त सिलान्यास कार्यक्रममा मंका: खल:का सचिव नेवा: अगुवा मल्ल के सुन्दर , अग्र्ज कलाकारहरु जनगायक भृगुराम श्रेष्ठ , गणेश सायमी नेवा: देय् दबूका महासचिव माइलाबाबु देउला ,साहित्यकार नर्मदेश्वर प्रधान, कथाकार राजा शाक्य लगायत का ब्यक्तिहरुको पनि उपस्थिती रहेको थियो । कार्यक्रममा सांसदहरु ,जनप्रतिनिधिहरु,
नेवा: अभियन्ता, साहित्यकारहरु र धेरै जनसमुदायको उपस्थिति रहेको थियो ।
शिलान्यासको भिडियो हेर्नुहोस् –