निपु न्हूगु म्येया भिडियो विमोचन !

यल/नेपालभाषाया निपु न्हूगु म्येया म्युजिक भिडियो सार्वजनिक जुल ।
वंगु आइतवा: जावलाखेलय् म्ये हालामि सुमन मानन्धर व जितेन्द्र शाक्यया निपु न्हूगु म्येया म्युजिक भिडियो पितब्वज्या जूगु ख:।
लोकंह्वा:म्ह म्येहालामि स्वयम्भू राज शाक्यया मूपाहांसुइ न्ह्याःगु थुगु ज्याझ्वलय् म्यूजिक भिडियोया कलाकार, प्राविधिकपिंं नापं  म्ये च्वमि अमृतरत्न शाक्य व लय् चिनामि विरेन कुमार शाक्यपिन्त नं सम्मान याःगु खः ।

ज्याझ्वलय्  म्ये हालामि सुमन मानन्धर, लय् चिनामि विरेन कुमार शाक्य, म्ये च्वमि अमृतरत्न शाक्य, कलाकार रुपेन श्रेष्ठ, लगायतपिन्सं सांगीतिक ख्यःया थीथी पक्षयात कःघाना थःथःगु नुगः खँ तयादीगु खः ।

“काल जिगु नुगः सुनांं”म्येया म्युजिक भिडियोया कलाकारया रुपय् विषमराज शाक्य, सरीता बज्राचार्य, रजनी खड्गी, शिशुज्योति मानन्धर, युकी महर्जन, रेजिना बज्राचार्यपिन्सं अभिनय यानादीगु दु ।अथेहे छायांकन, सम्पादन सोहन मानान्धर, नृत्य निर्देशन विनोद बज्राचार्यपिन्सं यानादीगु खः ।
मेेेगु म्ये “छं न्हिला दः”  म्युजिक भिडियोलय् रुपेन श्रेष्ठ थक्वाः, सरीता बज्राचार्य, किशोर चिपालु, सम्झना महर्जन, लसता महर्जनपिंं मोडेल जुयादीगु ख: । अथेहेे छायांकन , सम्पादन यौवन शाक्य व निर्देशन राजन शाहीं यानाादीगु खः ।
नेवा: सांगीतिक ख्यलय् भिजुयल दयेकेगु ज्या उप्वया वनाच्वंगु इलय् थुकथं न्हू भिजुयल पिहां व:गु सकारात्मक खँ ख: ।