संसदमा मन्त्री विराजभक्त श्रेष्ठद्वारा जनकवि दुर्गालाल श्रेष्ठप्रति श्रद्धाञ्जली व्यक्त

नेपाल सरकारका ऊर्जा, जलस्रोत तथा सिँचाइ मन्त्री विराजभक्त श्रेष्ठले संसद (प्रतिनिधिसभा) बैठकलाई सम्बोधन गर्दै जनआन्दोलनका कवि तथा नेपालभाषाका महान् सर्जक जनकवि दुर्गालाल श्रेष्ठप्रति भावपूर्ण श्रद्धाञ्जली अर्पण गर्नुभएको छ।

संसद भवनमा बोल्दै मन्त्री श्रेष्ठले नेपाली साहित्य, कला र संस्कृतिका शिखर व्यक्तित्वको रूपमा स्मरण गर्नुभयो।

मन्तव्यको अन्त्यमा मन्त्री श्रेष्ठले शोकसन्तप्त परिवारजन, आफन्त, शुभेच्छुक तथा सम्पूर्ण साहित्यप्रेमी वर्गप्रति गहिरो समवेदना व्यक्त गर्नुभएको थियो।

“नेपाली साहित्य, कला र संस्कृतिका शिखर व्यक्तित्व जनकवि दुर्गालाल श्रेष्ठप्रति भावपूर्ण श्रद्धाञ्जली अर्पण गर्दछु।

आफ्ना कालजयी सिर्जनामार्फत साहित्यलाई जनजीवनका अनुभूति र संवेदनासँग जोड्दै नेपालभाषा र नेपाली साहित्यको श्रीवृद्धिमा उहाँले पुर्‍याउनुभएको योगदान सदैव स्मरणीय रहनेछ।

उहाँको निधनले नेपाली साहित्य, कला र संस्कृतिको आकाशमा कहिल्यै पूरा हुन नसक्ने एउटा गहिरो रिक्तता सिर्जना भएको छ। तर उहाँका सिर्जना, विचार र साहित्यिक योगदान पुस्तौँसम्म हाम्रो समाज, भाषा र चेतनामा जीवित रहनेछन्।

यस दुःखद् घडीमा जनकवि दुर्गालाल श्रेष्ठप्रति हार्दिक श्रद्धासुमन व्यक्त गर्दै शोकसन्तप्त परिवारजन, आफन्त, शुभेच्छुक तथा सम्पूर्ण साहित्यप्रेमीमा गहिरो समवेदना व्यक्त गर्दछु।”