लकडाउनका कारण गैडातालका माछा ब्यसायी मर्कामा

बिन्दु कुमार चौहान
गैडहवा / बिश्वब्यापी महामारी कोरोना भाईरस ( कोभिट १९ ) को संक्रमणका कारण सरकारद्वारा लामो समयदेखि जारी लकडाउनका कारण रुपन्देहीमा राष्ट्रिय गैडातालका माछा ब्यवसायी संकटमा परेका छन ।
करीब २० हेक्टर सो तालमा पाँच बर्षका लागि ८३ लाखमा गाँउपालिकासँग समझौता गरि पालिएको तीन लाख कमन,ग्रास,सिल्भर र बिगहेड माछा मध्ये एक लाख तयारी अवस्थामा भए पनि लामो समय लकडाउनले बिक्री बितरण ठप्प भएपछि माछा ब्यवसायी मर्कामा परेका हुन ।
राष्ट्रिय गैडातालको माछा लिन काठमान्डौ. पोखरा लगायत अन्य ठाँउसम्म पुग्ने गरेकोमा लकडाउनका बेला ब्यापारीहरु नआउदा माछा बिक्री नभई तालमै मर्न थालेको ठेकेदार शैलेन्द्र पासवानले जानकारी गराए ।
उनले गैडातालको माछा बिक्री नहुदा गैडहवा गाँउपालिकामा तिर्नुपर्ने किस्ता २५ लाख जुटाउन मुश्किल परिरहेको हुदा सहज ढंगबाट माछा बिक्री बितरणको ब्यवस्था मिलाई दिन सरोकारवालासँग माग समेत गरेका छन ।
सो समस्याको समाधानका लागि गैडहवा गाँउपालिका अध्यक्ष बच्चुलाल केवट ( बछु ) सँग जिज्ञासा राख्दा उनले गैडहवा गाँउपालिकाको प्रमुख आयस्रोत गैडातालको माछा बिक्री बितरणका लागि ब्यवस्था मिलाउने प्रतिबद्धता जनाए ।