Subhaypost sahitya
तान्द्रा !!
Maharjan Ratna
मनय् खॅ ल्हानाच्वन — थ्व ओमिक्रोन धाःगु न्हूगु कोरोना भाइरसं नेपालय् नं तसकं हाहाकार मचय् याःवल । संक्रमितत झनझन उप्वयावल । झिद्वः थ्यन , झिंछद्वः थ्यन , अले झिंनिद्वलं नं मयाक मनूत छन्हुया दुने ल्वचं कल । सरकारया तथ्यांकय् दुमथ्याःपिं ल्वगित मेपिं गुलि दनि गुलि । थःथःगु हे छेय् च्वनाः ल्वय् लंकेगु कुतः यानाच्वन । गुलि गुलि । सीपिं उलि उप्वः खने मदुसां ल्वचंकःगु परिवारया छेजःपिं वाथावाथा कनाच्वन । थुरूथुरू खानाच्वन । धिबा मुने मफइ धयागु पीरं सरकारं नं लक डाउन मयासे च्वंच्वन । मनूतसें पसः मचायेकुसे च्वने मफु ।
