फुङ्लिङको पेट्रोल

-महर्जन रत्न
ताप्लेजुङ फुङ्लिङ बजार ; बाइकमा तेल कम भैसकेको थियो पेट्रोल पम्प पुग्न तल पुग्नु पर्ने । बजारमा बोटलमा भरेर नि तेल बेच्ने चलन रहेछ । म एउटा पसलमा पुगें ।
साउजी ग्राहकहरुलाई सामान दिदै थिए । साउनी बडेमानको मोबाइल सेट्मा फेसबुक नि चलाउँदै क्यलकुलेटर थिच्दै पैसा बुझ्दै थिइ ।
मैले सोधें तिनलाइ
– पेट्रोल पाइन्छ ?
-छ ।
छोटो जवाफ दिदै मेसेन्जरमा बिजि भइन् । साहुजी ब्यस्त अन्तै । त्यतिबेला मेरो मोबाइलमा भाइब्रेशन आयो । मैले पैन्टको गोजीको मोबाइल झिकें र हेरें मेसेन्जरमा मेसेज आएको रहेछ ।
– हाइ
-हेलो
मैले जवाफ फर्काउँदै साउनितिर गएर भनें
– ५ लिटर पेट्रोल राख्दिनुस्
तिनले मलाई यसरी हेरिन् कि मानौं कि म तिनलाई डिस्टब गर्दैछु ।अनि काम गर्ने केटालाई अर्‍हाए
– ५ लिटर पेट्रोल राख्दे ।
अनि तिनी मेसेन्जरमा टाइप गर्न थालिन
– अनि के छ हजुर ? के छ नयाँ प्रोजेक्ट ? हामीलाई नि फिल्ममा खेलाउने हैन?
मैले नियालेर हेरें मेरै एकाउन्टमा पो टाइप हान्दै थिइ ।
त्यति नै बेला काम गर्नेले 5 वटा एक लिटरका बोटल ल्याइदिए । तिनले हत्तपत्त क्यालकुलेटर थिचेर भने
-५२५ रुपियाँ ।
तिनी मलाई सकेसम्म चाँडै भगाई chat गर्न चाहन्थिन् स्पष्ट देखिन्थ्यो।
मैले पैसा दिएँ तिनलाई एकपल्ट राम्ररी हेरें । तिनि रिसाउँदै कराइन्
-लिनुस् गाडी जाम भैसक्यो ।
हुन पनि साँघुरो बाटो ठूल्ठूला गाडी नि छिर्दै छन् । मेरो मोबाइलको भाइब्रेसन एकपछि अर्को बज्न थाल्यो । म पेट्रोल ट्यांकीमा पेट्रोल राख्दै थिएँ ।
मैले साउनीलाई फेरि एकपटक जिस्काउँदै हेरें । तिनी मुर्मुरिएकी देखिन्थी । मानौं मैले गर्दा उसको मेसेजको जवाफ आइरहेको छैन । मुसुक्क हाँस्दै बाइक स्टार्ट गरेर हिंडें ।
तल ताप्लेजुङ फुङ्लिङ बजारको गेटनिर रहेको नेवारी खाजाघरमा बाइक रोकि भित्र पसें खाजा अर्डर गरि मोबाइलमा उसको मेसेज हेरें ।
– हजुर कता हो
– शुटिंगमा बिजि हो ?
– म नि बिजि छु अफिसमा
– हजुरको याद आएर मात्र
– हजुर बिजि हो भने बिजि भने भैहाल्यो नि
-कस्तो छि हजुर !!!
कति लेख्न भ्याएकी रहिछन् ।म जवाफ लेख्न सोच्दै थिएँ ।
त्यतिबेला अर्को मेसेज आयो
– हजुर सिंगापुर आउनुहुन्छ भने म घुमाइदिन्छु भनेको त आउनु नि हुन्न कैलेइ ।
म अक्क न बक्क भएँ जवाफ सुझेन । एउटा हाँसेको स्टिकर पठाएँ र हिडें । ताप्लेजुङका मेची राजमार्ग अन्तर्गतका डरलाग्दा पहिराहरुतिर बाइक गुडाएँ।
(fiction- a short story)
13 november 2016 -Taplejung