रास्वपा काठमाडौंको नेतृत्वमा युवा नेता राजा शाक्य: ‘नेपाल भाषा’ र स्थानीय मुद्दाका खम्बा

काठमाडौँको राजनीतिक वृत्तमा राजा शाक्य एक ‘सक्रिय सहयोगी र निष्ठावान् युवा’ का रूपमा परिचित छन्। काठमाडौ क्षेत्र न्ं ८ बाट विराजभक्त श्रेष्ठलाई जिताउन महत्वपूर्ण भूमिका खेलेका निर्वाचन संयोजक पनि हुन् राजा शाक्य । विशेष गरी नेपाल भाषा, नेवाः संस्कृति र सम्पदाको उत्थान र संरक्षणको क्षेत्रमा उनले पुर्‍याएको योगदान उल्लेखनीय छ। स्थानीय जनताका रैथाने समस्या, सांस्कृतिक मुद्दा र स्थानीय सरोकारका विषयहरूलाई दृढताका साथ बोकेर हिँड्न सक्ने एक सक्षम र जुझारु नेताका रूपमा उनी स्थापित छन्। यही स्थानीय पकड र सांस्कृतिक साखका कारण पनि उनलाई काठमाडौँका पार्टी प्रतिनिधिहरूले नेतृत्वमा चुनेका हुन्।

निर्वाचित अन्य पदाधिकारी तथा सदस्यहरू:

उपसभापति: रबिन्द्र गौतम (२१६ मत)

सचिव: सन्तमान महर्जन (२९७ मत)

सहसचिव: सौरभ बस्नेत (३२५ मत – सर्वाधिक मत)

जिल्ला सदस्यहरू:

बलराम कार्की (२३६ मत)

सम्शेर श्रेष्ठ (१८२ मत)

केदार रैला (१६६ मत)

 काठमाडौँलाई ‘नमुना जिल्ला’ बनाउने सङ्कल्प

नवनिर्वाचित सभापति राजा शाक्यको आगमनसँगै काठमाडौँ रास्वपामा नयाँ ऊर्जा थपिएको शुभेच्छुकहरूको भनाइ छ। शाक्यको नेतृत्वले राजधानीलाई संगठनात्मक रूपमा सुदृढ बनाउँदै सुशासन, समृद्धि र जनमुखी गतिविधिमार्फत देशभरकै लागि एउटा “नमुना जिल्ला” खडा गर्ने अपेक्षा राखिएको छ।