रमेश महर्जनको नयाँ म्युजिक भिडियो सार्वजनिक

शिव शाहीको संगीत रहेको यस गीतको निर्देशन रमेश महर्जन र मनोज श्रेष्ठले संयुक्त रूपमा गरेका हुन्। गीतको म्युजिक भिडियोमा कलाकार रविन्द्र महर्जन र रेश्मा महर्जनले मुख्य भूमिका अभिनय गरेका छन्। बालकलाकारका रूपमा सानिया थापा र आयूष अर्याल पनि भिडियोमा देखिएका छन्।

गीत सार्वजनिक कार्यक्रममा अधिवक्ता महर्जनले स्वागत मन्तव्य दिएका थिए भने कलाकार मणि राजलवट र हिसिला महर्जनले संयुक्त रूपमा गीत सार्वजनिक गरेका थिए। कार्यक्रममा काठमाडौं महानगर पालिका १७ वडाका वडाअध्यक्ष नबिन मानन्धर र १८ वडाका वडाअध्यक्ष न्हूच्छेकाजी महर्जनले शुभकामना मन्तव्य दिएका थिए।

यो गीतलाई शेर बहादुर डंगोल र सरिता शाहीले गाएका छन्। भिडियोको छायांकन अनिश बुढाथोकी र जेन सिंले गरेका छन् भने सम्पादन मनोज श्रेष्ठले गरेका छन्। श्रृंगार मिरा डंगोल र मनिता शाक्य वाराहीले गरेका छन्।

गीतका निर्माता ज्ञानी डंगोल, तारा देवी महर्जन र नलिना महर्जन हुन्। अनुप सिं सुवालले गीतको समीक्षा गरे गरे भने कार्यक्रमको सञ्चालन मनरा प्रजापतिले गरेका थिए। कार्यक्रमको अन्त्यमा कलाकार रविन्द्र महर्जनले धन्यवाद मन्तव्य दिए।

भिडियोमा अभिनय गर्ने अन्य कलाकारहरूमा चन्द्र लक्ष्मी महर्जन, न्हुज महर्जन, प्रिन्सा महर्जन, शान्ता प्रजापति, रेणु महर्जन, शर्मिला महर्जन, सविता प्रजापति, श्याम महर्जन, दिनेश महर्जन, हरि बाबु महर्जन, निकेश महर्जन, इलिशा महर्जन, ईभा खड्का, लिवोना शाक्य, वोधिका शाक्य, करुणा डंगोल, मुना महर्जन, सविना महर्जन, सृष्टि महर्जन र राईशा महर्जन रहेका छन्।