बाढी पीडितको सहयोगार्थ “जय लाखय्” ,हेर्ने हैन त ?

बाढी पीडितको सहयोगार्थ ‘जय लाखे’को विशेष शो, सङ्कलित रकमको ५०% प्रधानमन्त्री दैवीप्रकोप उद्धारकोषमा प्रदान गरिने

काठमाडौँ — बहुचर्चित नेपाली सांस्कृतिक एनिमेसन चलचित्र ‘जय लाखय्’ (Jaye Lakhay) को बाढी पीडितको सहयोगार्थ काठमाडौँ र लन्डनमा विशेष च्यारिटी प्रदर्शन हुने भएको छ। यन्त्रकला (Yantrakala) को प्रस्तुति रहेको यस चलचित्र प्रदर्शनबाट संकलित कूल कमाइको ५० प्रतिशत रकम प्रधानमन्त्री दैवीप्रकोप उद्धारकोष (PMO Nepal Disaster Relief Fund) मा हस्तान्तरण गरिने आयोजकले जनाएका छन्।

देशमा आइपरेको आपत्-विपत् र प्राकृतिक प्रकोपबाट प्रभावित बाढीपीडितहरूलाई राहत तथा पुनर्स्थापनामा सघाउ पुर्‍याउने उद्देश्यले “Cinema with Culture, Compassion with Action” भन्ने मूल नाराका साथ यो सामाजिक पहल थालिएको हो।

प्रदर्शनी विवरण तथा तालिका:

• लन्डन सो (UK):

  • मिति: ६ सेप्टेम्बर २०२६ (आइतबार) | साँझ ६:०० बजे

  • स्थान: Tramshed, 51 Woolwich New Rd, London

• काठमाडौँ सो (नेपाल):

  • मिति: भदौ २७ गते, शनिबार (१३ सेप्टेम्बर २०२६)

  • स्थान: रञ्जना सिनेप्लेक्स, न्युलोड, काठमाडौँ (Screen AUDI-1)

  • समय:

    • दिउँसो १२:०० बजे (नेपाली भाषा)

    • दिउँसो ०१:३० बजे (नेपालभाषा)

संयुक्त श्रेष्ठद्धारा निर्देशित जय लाखय् अन्तर्राष्ट्रिय मञ्चमा सम्मानित एनिमेसन चलचित्र,  नेपाली लोककथा, मन्त्र-तन्त्र र लाखे परम्परालाई समेटेर तयार पारिएको यो चलचित्रले स्टकहोम, स्विडेन, लन्डन, सिङ्गापुर तथा पूर्वी युरोपका विभिन्न अन्तर्राष्ट्रिय चलचित्र महोत्सवहरूमा उत्कृष्ट एनिमेसन फिचर अवार्ड तथा सम्मान प्राप्त गरिसकेको छ।

आपत्-विपत्को यस घडीमा कला, संस्कृति र सिनेमाको माध्यमबाट सामाजिक उत्तरदायित्व बहन गर्दै आयोजना गरिएको यस विशेष शोमा सहभागी भई बाढीपीडितको सहयोगमा हात मिलाउन आयोजक टोलीले सम्पूर्ण दर्शक तथा शुभचिन्तकहरूमा हार्दिक अपिल गरेको छ।

#nepanewsviews