गणेशदेवी मानन्धर स्मृति प्रतिष्ठान सिरपा – जनगायक भृगुराम श्रेष्ठ , बिजयरत्न असंबरे व सिद्धार्थ शाक्ययात बिल

यें/गणेशदेवी मानन्धर स्मृति प्रतिष्ठानपाखें नेपालभाषा साहित्य संगीत व पत्रकारिता ख्यलय् मूवंगु योगदान बियादीपिं श्रष्टापिन्त सिरपालिसें हनेज्या या:गु दु । कामनपा वडा नं १३ या हनेबह:म्ह समाजसेवी दिलबहादुर मानन्धर व वयक:या काय‌्पिं म्ये च्वमि प्रा.डा. राजु मानन्धर , म्येहालामि सज्जु मानन्धर व प्रतिष्ठानाया संरक्षक राजेश मानन्धर पाखें पलिस्था यानादीगु उगु प्रतिष्ठान पाखें छगू सिरपा बीगु ल्यज्या (परामर्श )कमिटी दयेका: थुकथं सिरपा बिगु ज्या जूगु ख:।
गणेशदेवी मानन्धर समाजसेवी दिलबहादुर मानन्धरया तिरिमयजु ख: । वयक: दिवंगत जूगु निदँया तिथि लाका: थुगु ज्याझ्व: या:गु ख: ।
न्हापांखुसि गणेशदेवी प्रतिष्ठानपाखें कलाकार भृगुराम श्रेष्ठ , सिने पत्रकार साहित्यकार बिजयरत्न असंबरे न्हूम्ह गायक सिद्धार्थ वज्राचार्ययात सम्मानलिसें झिंन्यास: तकाया नगद पुरस्कार प्रदान या:गु ख:। खुगु दशक न्ह्य:निसें संगीत व प्याखं ख्यलय् ज्व:मदुगु योगदान यानावयाच्वनादीम्ह जनगायक भृगुराम श्रेष्ठयात दीर्घसेवा सम्मान कथं हनेज्या जूगु ख: ।
नेवा:देय् दबूया नाय: पवित्र वज्राचार्य, शिक्षाविदलिसें पुलांम्ह साहित्यकार हितकर बीर सिंह कसा: ,बागमती प्रदेश सभा सदस्य शैलेन्द्र बज्राचार्यपिसं दोसलाइ गां न्ययेकेगु हनापौ ल:ल्हायेगु ज्या यासें वयकपिन्त हनेज्या या:गु ख:.। यक्व साहित्य, संगीतक:मि ,पत्रकारपिनि उपस्थितिइ उगु ज्याझ्व: जूगु ख: । ज्याझ्वलय् मेमेपिं म्येहालामिपिसं  जनगायक श्रेष्ठया थीथी म्ये न्यंकेगु अले लिसें चिनाखँ नं ब्वना: न्यंकुगु ख: ।  फाउण्डेशनया परामर्श समितिइ  निर्देशक पवन जाेशी,  कलाकार नगिना जाेशी, संगीतकार सुरेन्द्र श्रेष्ठ, म्ये हालामी निशा देशार ,दर्शनवीर शाक्य च्वनादीगु ख: ।   (किपा:- विक्रम खड्गी)