मिलन !! ( चि-बाखं)

मथुरा साय्‌मि

………………………………..
तिरिमिसा लासाय् लिक्क वयाः फ्यतुत । जिं वयात ग्वतुका कया । व जिगु म्ह द्यंनेलात ।जिगु ल्हाः उलिउलि मिन । वया म्हय् गन थी , गन थी थे जुल । उघ्रिमय् व थुचुक्क फ्यतुनाछ्वत ।

जिं म्हुतु संका , ” छता न्यनेला छंके ? ”
अथे न्यनाच्वनादीगु हे छाय् ? न्यना हे च्वनादी म्वाः । जि धैम्ह जि मखु , छि हे खः ” । वं म्हुतुसि फायाः क्यन ।

जिं अले धया , ” छतानि , जिं छन्त उप्वः हे म्हगसय् खनीगु । म्हगसय् म्हनीगु । म्हनाच्वनीबले गबलें थ्व म्हगस धकाः सियाच्वनीगु मखु । छु जूगु जुइ हला ? ”

वं मुसुहुॅ न्हिलाः धयाहल ,” छिगु प्रेम का व । छिगु माया मतिना का व । म्हगसय् धयागु उप्वः यानाः थः यःयःपिं हे जक न्ह्याबलें खनाच्वनी । छिं लुमंकु लुमंकुं मिखा तिसिना दी । अले जि म्हगसय् तुपलुक्क थ्यंकः वइ । दः न्ह्याबलें लुमंका हे च्वनादिसॅ छिं । झी न्ह्याबले नापलाना च्वने । न्ह्यलय् सां छु , ज्वलय् सां छु । ”

जिं धया, ” मगाः दः । म्हगसं मगाः । न्ह्यलय् मखु , दः ज्वलय् हे माः । म्हगसय् जुइगु सकतां ख्यालं ख्यालं जक खः । झं प्याः जक चाइगु ।

” खः ला ? “व फ्यास्याहाॅ न्हिल ।
” खः ” जिं धया ।

व सुंक । अले धयाहल, ख्यालं ख्यालं मखुसा नी हे यानादिसॅ सा । आःला मौका दुनि छितः । जि न्ह्याबलें छिम्ह हे खः ” धाधां व लिक्कसं थस्सःमस्सः पायाबिल ।

अले , अले जिं वया ल्हाः निपां क्वात्तुक ज्वना । वं मपं । जिं वया म्हय् नं तीजक तीजक ल्हाः दिकेयना ……….।………
………………………..
………………झसङ्ग मिंक मिखा चालावन । म्हगस गन गन दुपिनावन !!

जि वाथाइथिं दना !!!