वरिष्ठ सिने पत्रकार अस्पताल भर्ना

वरिष्ठ सिने पत्रकार, फिल्म निर्देशक, साहित्यकार, र विभिन्न सम्मानहरू पाइसक्नुभएका व्यक्तित्व तथा नेवाः पत्रकार राष्ट्रिय दबूका सल्लाहकार विजयरत्न असंबरे स्वास्थ्यमा समस्या आएपछि अस्पताल भर्ना हुनुभएको छ।
सोमबार बिहान अचानक स्वास्थ्यमा गडबडी भएपछि उहाँलाई सुरुमा गंगालाल अस्पतालको इमर्जेन्सी कक्षमा लगिएको थियो। स्वास्थ्य परीक्षणपछि किडनीमा समस्या देखिएकाले उहाँलाई सोमबार नै गंगालाल अस्पतालको सीसीयू (Critical Care Unit) वार्डमा भर्ना गरिएको थियो।
चिकित्सकहरूको सल्लाहमा थप उपचारका लागि उहाँलाई आज (मङ्गलबार) वीर अस्पतालमा रिफर गरिएको र  उहाँलाई हिजो नै वीर अस्पताल भर्ना गरी उपचार सुरु गरिएको छ ।

🙏 शीघ्र स्वास्थ्यलाभको कामना

नेपाली सञ्चार तथा कला क्षेत्रमा लामो समयदेखि अतुलनीय योगदान पुर्‍याउँदै आउनुभएका, फिल्म निर्देशन र साहित्य सृजनामा पनि उत्तिकै सक्रिय रहनुभएका बहुप्रतिभाशाली व्यक्तित्व विजयरत्न असंबरेको शीघ्र पूर्ण स्वास्थ्यलाभको कामना गर्दछौँ।
उहाँ छिट्टै निको भएर आफ्ना सृजना र कर्मक्षेत्रमा फर्कनुहुनेछ भन्ने हामी सबैको विश्वास छ।
Photo :Lahana

उहाँको स्वास्थ्य उपचारको निम्ति सहयोग गर्न सक्नुहुनेछ ।