प्रधानमन्त्री ओली–एनपिसी अध्यक्षदथुइ खँल्हाबल्हा

बेइजिङ (चीन), २ थिंलाथ्व : चीनया औपचारिक भ्रमणय् झायाच्वनादीम्ह प्रधानमन्त्री केपी शर्मा ओली व राष्ट्रिय जनकँग्रेस (एनपिसी)या अध्यक्ष चाव ल ची दथुइ थौं खँल्हाबल्हा जूगु दु । नाप लायेगु झ्वलय् वय्कःपिनि दथुइ नेपाल–चीन स्वापूया नापं थःवंथःया च्यूताः व संसदीय मामिलाया विषयकय् सहलह जूगु प्रधानमन्त्रीया निजी सचिवालयं धाःगु दु । थ्वसिबे न्ह्यः प्रधानमन्त्री ओलीें राष्ट्रपति सी चिनफिङयात नापलाना खँल्हाबल्हा यानादीगु खः । थौं हे प्रधानमन्त्री ओली नेतृत्वया प्रतिनिधिमण्डलं चिनियाँ प्रधानमन्त्री लि छ्याङ नेतृत्वया प्रमण्डलनाप खँल्हाबल्हा क्वचायेकूगु दु । प्रधानमन्त्री लीया मैत्रीपूर्ण ब्वनाय् प्यन्हूया भ्रमणया झ्वलय् प्रधानमन्त्री ओली म्हिगः न्हिनय् थन थ्यंकादीगु खः ।