सातौं चीन–दक्षिण एशिया एक्स्पो युनानमा

‘साझा विकासका लागि ऐक्यबद्धता र समन्वय’ भन्ने मूल नाराका साथ आगामी अगस्ट १६ देखि २० सम्म दक्षिणपश्चिम चीनको युनान प्रान्तको कुनमिङमा सातौँ चीन–दक्षिण एशिया एक्स्पो आयोजना हुने भएको छ ।दक्षिण एसियाका देशहरू, दक्षिणपूर्वी एसियाली राष्ट्रहरू र क्षेत्रीय व्यापक आर्थिक साझेदारीका सदस्य राष्ट्रहरूबाट पूर्ण प्रतिनिधित्व प्राप्त गर्दै हालसम्म लगभग ६० देश र क्षेत्रहरूले एक्स्पोमा भाग लिनका लागि दर्ता गराएका छन्।

एक्स्पोमा बायोमेडिसिन र हेल्थकेयर पवेलियन, रिसोर्स इकोनोमी पवेलियन र क्षेत्रीय सहयोग पवेलियन सहित १५ वटा प्रदर्शनी हलहरु रहने छन् भने कुल १ लाख ५० हजार वर्ग मिटर क्षेत्रफलमा अफलाइन र अनलाइन कन्टेन्ट एकैसाथ प्रदर्शन गरिने आयोजकले जनाएको छ

सन् २०१३ मा चीन र दक्षिण एसियाली क्षेत्रका देशहरूबीचको कुल व्यापार मूल्य १०० अर्ब डलरभन्दा कम थियो । यद्यपि, सन् २०२२ मा यो १९७.४ अर्ब अमेरिकी डलर पुगेको थियो, जसले औसत वार्षिक वृद्धिदर ८.३ प्रतिशत देखाएको वाणिज्य मन्त्रालयले जनाएको छ ।।