कामपा वडा २१ कार्यालय भवन शिलान्यास !

काठमाडौँ / काठमाडौँ महानगरका मेयर विद्यासुन्दर शाक्यले आज काठमाडौंको भित्री शहरमा रहेको २१ वडा कार्यालय भवनको शिलान्यास गरेका छन् ।
शिलान्यास कार्यक्रमलाई सम्बोधन गर्दै मेयर शाक्यले, आफ्नै कार्यकालमा सबै वडा कार्यालय भवनको नवनिर्माण र पुननिर्माण गरिसक्ने योजनामा आफू प्रतिवद्ध रहेको बताउँदै भने ” हामी निर्वाचित भएर आएपछिको पहिलो बैठकमा काठमाडौँ महानगरपालिकाको केन्द्रीय कार्यालय र सबै वडाका कार्यालय भवनको पुनर्निमाण र नयाँ निर्माणलाई प्राथमिकतामा राखेर काम गर्छौ भनेर घोषणा गरेका थियौँ ।आज वडा–२१ को वडा भवनको आज शिलान्यास गरेका छौँ । यो हाम्रो घोषणा अनुसारकै कार्य हो । यस अघि वडा ३, ४, ९, १४, १८ र २६ वडाको नयाँ भवनबाट कार्यालय सञ्चालनमा आइसकेको छ । केही कार्यालय भवनको निर्माण कार्य जारी छ । केही वडा कार्यालय निर्माण पक्ष छनौट खरिद प्रक्रियाबाट अघि बढेको छ ।”
मुद्दा परेका कारण  महानगरपालिकाको केन्द्रीय कार्यालय भवन अहिलेसम्म निर्माण गर्न नसकेकोमा दुख व्यक्त गरे ।
वडा २१ को भवन ६ तलाको भूकम्प प्रतिरोधी भवन हुने र भवनको जमिन तला वडा कार्यालयका लागि प्रयोग हुनेछ । पहिलो तला गुठीका लागि प्रयोग हुने छ । बाँकी अरु तलामा पनि वडा कार्यालयकै रुपमा प्रयोग हुनेछन् । भवनको पाँचौ तलामा ५० जना क्षमताको सभा कक्ष हुनेछ ।
भवन निर्माणका लागि २ करोड ६ लाख ९० हजार रुपैयाामा कार्यादेश दिइएको हो । निर्माण कार्य २०७८ चैत २० मा सम्पन्न गर्ने लक्ष्य राखिएको छ ।
शिलान्यास कार्यक्रममा पूर्वमन्त्री कृष्णगोपाल श्रेष्ठ, प्रदेश सांसद डा. अजयक्रान्ति शाक्य, महानगरका प्रमुख प्रशासकीय अधिकृत राजेश्वर ज्ञवाली, वडा २१ का अध्यक्ष उदयचुडामणि बज्राचार्यसहित छिमकी वडाका वडाध्यक्षहरुको उपस्थिति रहेकोे थियो ।