९ करोड ६५ लाख रुपैयाँ भ्रष्टाचार गरेको आरोप लागेका कांग्रेसका उपसभापति गच्छदार १० लाख धरौटीमा छुटे

काठमाडौं / बालुवाटार जग्गा प्रकरणमा भ्रष्टाचार मुद्दा खेपिरहेका नेपाली कांग्रेसका उपसभापति विजयकुमार गच्छदार धरौटी बुझाएर रिहा भएका छन् । संयोग नै मान्नुपर्छ नेपाली कांग्रेसका सभापति शेरबहादुर देउवा प्रधानमन्त्रीको पदभार ग्रहण गरेकाइ बेला उनी भ्रष्टाचार मुद्दा खेपिरहेका नेपाली कांग्रेसका उपसभापति पनि छुटेका छन् ।
उनी विशेष अदालतमा बुधबार १० लाख रुपैयाँ धरौटी बुझाएर रिहा भएका प्रवक्ता पुष्पराज पाण्डेयले जानकारी दिए । ललिता निवासको जग्गा व्यक्तिको नाममा दर्ता गरेको अभियोग लागेका गच्छदार लामो समय फरार रहेर बुधबार विशेष अदालतमा हाजिर भएका थिए ।
गच्छदारमाथि २०६६ सालमा भौतिक योजना तथा निर्माण मन्त्री हुँदा भ्रष्टाचार गरेको आरोप लागेको हो । उनीमाथि ९ करोड ६५ लाख रुपैयाँ भ्रष्टाचार गरेको आरोप छ ।
प्रधानमन्त्री निवास विस्तार र मोही व्यवस्थापनको विषयको बालुवाटार जग्गाको विषयमा हस्ताक्षर गर्दा उनी उपप्रधानमन्त्री थिए ।यसै समबधमा उनीसहितमाथि भ्रष्टाचारको मुद्दा दायर भएको थियो ।