सेनाका जवान द्वारा आफ्नै कञ्चटमा गोली हानी आत्महत्या !

जनकपुरधाम / कहिलेकाहिं आउने मानसिक बिचलन एउटा समस्या बन्न सक्छ । देशको सेनामा कार्यरत जवानले समेत आत्महत्या गर्न सक्छ । यस्तै एउटा घट्नाको खबर आएको छ , महोत्तरीमा नेपाली सेनाका जवानले आफैलाई गोली हानी आत्महत्या गरेका छन् । जलेश्वरस्थित श्रीरणभीम गण प्रकौलीमा कार्यरत अमिर तामाङले कञ्चटमा आफैले गोली हानी आत्महत्या गरेको जनाइएको छ ।
उनले आफैंले बोकेको ५।५ मिनि ईन्सास हतियारबाट आफ्नै दाँया कञ्चटमा गोली प्रहार गर्दा घटनास्थलमै मृत्यु भएको हो भनी बताइएको छ।
रामेछाप जिल्लाको लिखु गाँउपालिकामा घर भई हाल रणभीम गण प्रकौली “ख” गुल्म दरबन्दीमा रहेका २३ वर्षीय तामाङ बुधबार बिहान मृत फेला परेका हुन् ।
घटना सम्बन्धमा थप अनुसन्धान भइरहेको जिल्ला प्रहरी कार्यालय महोत्तरीका प्रवक्ता प्रहरी नायव उपरीक्षक प्रकाश विष्टले बताएका छन् ।