बसन्तपुरमा सांकेतिक रुपमा नयाँ वर्षको कार्यक्रम आयोजना

काठमाडौं / बसन्तपुर र नेपाल संवतको आन्दोलनका धेरै तथ्यहरु जोडिएका छन् ।
नेपाल संवतको आन्दोलन सांस्कृतिक र्‍याली अनि मनचका कार्यक्रमको केन्द्र विगत ४० वर्षदेखि बसन्तपुर केन्द्रित भएर गरेको पाइन्छ । ।
यहि बसन्तपुरको नयाँ वर्षको कार्यक्रमको मंचबाट पूर्व प्रधानमन्त्री स्व. कृष्णप्रसाद भट्टराईले संवतका प्रणेता शंखधर साख्वा:लाई राष्ट्रिय बिभूति घोषणा गरे । पूर्व प्रधानमन्त्री पुष्पकमल दाहाल प्रचण्डले नेपाल संवतलाई राष्ट्रिय संवत् घोषणा गरे ।
यस बाहेक पहिलो पुस्ताको संवत् आन्दोलन र नेवा: मुक्ति आन्दोलन पनि यसमा जोडिएको छ । त्यसको केन्द्र पनि बसन्तपुर नै थियो ।
यसै तथ्यहरुलाई मध्य नजर राखेर न्हूदँ राष्ट्रिय समारोह समितिले आज बसन्तपुरमा शंखधरको स्मरण गर्‍यो ।
नयाँ वर्षको उपलक्ष्यमा उसले नेपाल संवतका प्रणेताको योगदानको कदर गर्दै उनको मूतिमा माल्यार्पन कार्यक्रम आयोजना गरियो ।
कार्यक्रमम न्हूदँ राष्ट्रिय समारोह समिति ११४१का अध्यक्ष रमेश महर्जनको अगुवाइमा राष्ट्रिय बिभूतिलाई माल्यार्पण सुरु गरेका थिए ।
यसरी कोरोना महामारीकाबीच स्वास्थ्यका सम्पूर्ण मापदण्ड पूरा गरि ऐतिहासिक बसन्तपुरमा नेपाल संवतको नयाँ वर्षलाई मनाउने कार्य भएको छ । यसलाई अटुट नयाँ वर्ष कार्यक्रमको सांकेतिक कार्यक्रमको रुपमा लिन सकिन्छ ।