“नेपाल संवत न्हूदँ” विषयक विद्वत गोष्ठी

काठमाडौं /नेपाल प्रज्ञा प्रतिष्ठान तथा नेपाल संवत न्हूदँ राष्ट्रिय समारोह समितिको आयोजनामा नेपाल संवतलाई लिएर एक विद्वत गोष्ठीको आयोजना गरिएको छ ।
कार्यक्रममा बौद्ध विद्वान इतिहासविद् प्रा. डा. त्रिरत्न मानन्धर तथा अर्का संस्कृतिविद् पुरुषोत्तम लोचन श्रेष्ठले नेपाल संवतको विविध पक्षलाई केलाएर कार्यपत्र प्रस्तुत गरेका थिए ।
कार्यक्रमको उद्घाटन प्रमुख अतिथिका रूपमा आएका संस्कृति पर्यटन तथा नागरिक उड्डयन मन्त्री जीवनराम श्रेष्ठले गरेका थिए ।

प्रज्ञा प्रतिष्ठानका निवर्तमान कुलपति निवर्तमान सदस्य सचिव जगमान गुरुङ प्रा.डा. नरेशमान बज्राचार्यले नेपाल संवत अनि यसको गौरव र विविध ऐतिहासिक पृष्ठभूमिलाई लिएर मन्तव्य राखेको कार्यक्रममा विभिन्न क्षेत्रबाट आएका विज्ञ तथा जिज्ञासुहरुले प्रश्न राख्नुका साथै महत्त्वपूर्ण सुझावहरु समेत दिएका थिए ।
कार्यक्रमले नेपाल सम्वतको महत्त्व र राष्ट्रिय गौरवलाई उजागर गर्ने कार्य गरेको सहभागीहरुले बताए ।
स्मरणीय छ नेपाल सरकारले नेपाल संवतलाई राष्ट्रिय संवत तथा यसका प्रणेता शंखधर साख्वा:लाई राष्ट्रिय विभूति घोषणा गरिसकेको छ ।