काठमाडौं उपत्यकामा एक हजार ५१२ मा सङ्क्रमणको पुष्टि,देशभरि २,७५३ सङ्क्रमित थपिए

काठमाडौं / काठमाडौं उपत्यकामा आज १५१२ जना कोरोना संक्रमण पुष्टी  भएका छन् । मन्त्रालयका अनुसार थपिएका सङ्क्रमितमध्ये ६२५ महिला र ८८७ पुरुष छन् । पछिल्लो चौबीस घण्टामा देशैभरि २,७५३ सङ्क्रमित थपिएका छन् ।
मन्त्रालयले काठमाडौं जिल्लामा हाल १५,४५५, ललितपुरमा २२२६ र भक्तपुरमा १२१६ जनामा सङ्क्रमण सक्रिय छ । उपत्यकामा हालसम्म कुल ४०६ जना सङ्क्रमितको मृत्यु भएको छ । पछिल्लो चौबीस घण्टामा उपत्यकामा ९ जना सङ्क्रमितको मृत्यु भएको छ । काठमाडौंमा २७०, ललितपुरमा ६६ र भक्तपुरमा ७० जना सङ्क्रमितको मृत्यु भएको मन्त्रालयले उल्लेख गरेको छ । काठमाडौंमा मात्र पछिल्लो चौबीस घण्टामा मात्रै आठ सङ्क्रमितको मृत्यु भएको हो ।