लुम्बिनी बिकास कोषका नवनियुक्त सदस्य-सचिव सानुराजा शाक्यद्वारा पदभार ग्रहण

काठमाडौं / लुम्बिनी विकास काेषका नवनियुक्त सदस्यसचिव सानुराजा शाक्यले आज लुम्बिनीस्थित कोषको कार्यालयमा पुगी पदभार ग्रहण गरेका छन् ।
यसैबीच कोषका उपाध्यक्ष मेत्तेय भन्तेको उपस्थितिमा काेषका पदाधिकारी एवं कर्मचारीले कोषको कार्यालयमा नव नियुक्त सदस्य सचिव शाक्यको स्वागतमा एक कार्यक्रम पनि आयोजना गरेको थियो । 
स्वागत कार्यक्रमपछि आजबाट पदभार ग्रहण गरेका सदस्यसचिव शाक्यले कार्यालयको निरिक्षण गरेका थिए ।
उनले आजै मायादेवी मन्दिरमा पुगी मायादेवी तथा बुद्ध जन्मथलोको दर्शन गरेका थिए ।
सदस्यसचिव शाक्यले लुम्बिनीमा रहनु भएका अखिल नेपाल भिक्षु महासंघका अध्यक्ष मिक्षु मैत्री महास्थविरलाई भेट गरेका थिए । लुम्बिनीस्थित थाइ राजकीय विहारको  निर्माणका     क्रममा लामो समय बिताएका उनले त्यस बिहारमा पुगी विहारको अवलोकन पनि गरे ।
कोरोना महामारीका बीच लुम्बिनी बिकास कोषमा आज पहिलो दिनको हाजिरी जनाउन पुगेका नव नियुक्त सदस्यसचिव सानुराजा शाक्यबाट लुम्बिनी गुरुयोजनाका पुरा हुन बाकी कार्यमा गति लिने विश्वास गरिएको छ ।