काठमाडौं उपत्यकामा १४१६ मा संक्रमण पुष्टि, नेपालभरि २०७१ संक्रमित

काठमाडौं आज काठमाडौं उपत्यकामा कोरोनाभाइरसका १४१६ जनामा संक्रमणको पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा उपत्यकाका तीन जिल्लामध्य काठमाडौंमा ११४५, ललितपुरमा १६१ र भक्तपुरमा ११० मा सङ्क्रमणको पुष्टि भएको जनाएको छ । मन्त्रालयका अनुसार पछिल्लो चौबीस घण्टामा देशैभरिबाट १५५२ जना सङ्क्रमित निको भएर घर फर्केका छन् । ७५,८०४ जना कोरोनामुक्त भएका छन् । सक्रिय सङ्क्रमित ३१,३१५ छन् ।
मन्त्रालयका अनुसार पछिल्लो चौबीस घण्टामा १३,२७९ जनाको पीसीआर परीक्षण गरिएकोमा २०५९ जनामा सङ्क्रमणको पुष्टि भएको छ । नेपालमा कुल सङ्क्रमित १,०७,७५५ पुगेकाे छ । पछिल्लो चौबीस घण्टामा हालसम्मकै सबैभन्दा बढी २२ जनाको मृत्यु भएको छ । हालसम्म ६३६ जना सङ्क्रमितको मृत्यु भएको छ ।