महका “म” कोरोना टेस्टमा फेल- रिपोर्ट नेगेटिभ !

काठमाडौं /लोकप्रिय कलाकार हाँस्य सम्राट मदनकृष्ण श्रेष्ठको कोरोना टेस्टको परिणाम आएको छ । उनको टेस्ट रिपोर्ट नेगेटिभ आएको उनले आफ्नो फेसबुक पेजमा लेखेका छन् । उनीसँग दुई दिन सँगै शुटिङ गरेका र एउटै गाडीमा ओहोरदोहोर गरेका महका “ह”लाई कोरोना पोजिटिभ देखिएपछि उनी होम आइसोलेशनमा बसेका थिए भने आज उनको पिसिआर टेस्टका लागि  बि एन बि हस्पिटलबाट घरमै आई स्वाब संकलन गरि लगिएकोमामा त्यसको रिपोर्ट नेगेटिभ आएको जानकारी पाएपछि परिवारमा खुशी देखिएको छ ।
उनको आधिकारिक फेसबुक पेजमा उनले यस घटना बारे यसरी लेखेका छन् !
हरिबंशले फोन गरेर “ दाइ, रमिला र मेरो PCR टेष्ट गराएको, रिपोर्टमा त दुबैजनालाई कोरोना पोजिटिभ पो देखायो त” भन्दा म एकछिन त झसंग भएँ किनभने दुइ दिन बिहान देखि बेलुका सम्म एउटा शुटिङ्गमा व्यस्त भएका थियौ। फेरी एउटै गाडी चढेका थियौं । त्यस माथि आफु पार्किन्सन, प्रेसर, प्रोस्टेटको चार पाँच थरी औसधी खाइराखेको मान्छे।
हुन त मलाई केहि हुदैन भन्ने कुरामा ढुक्कै थिएँ तैपनि पनि क्या हो क्या हो , के भन्न सकिन्छ र।
“ह” लाई समाते पछि “म” लाई मात्र के बाकी राख्ला र , समात्यो होला बजियाले भन्या जस्तो गरि मेरो पालो चुपचाप घरैमा isolated भएर बसें।
आज बिहानै B&B hospital बाट Dr Niraj Baidhya ले PCR टेस्ट गर्न एकजना मान्छे पठाइदिनु भएको थियो ।
अहिले भर्खर B&B बाटै Dr. Reena Baidhya ले फोन गरेर “तपाइको PCR report negative आको छ है अङ्कल” भनेर खबर गरिन्।
Dr. Reena Baidhya लाई मैले धन्यबाद दिएं र तुरुन्तै हरीलाई फोन गरेर मेरो PCR report negative आएको कुरा सुनाएँ.
मेरो कुरा सुनेर हरीले भन्यो –
“ ओहो दाइ , खबर सुनेर मेरो त मनै हलुका भयो , मलाई आफ्नो भन्दा तपाइको बढी चिन्ता लागिरहेको थियो……”