बुंग करुणामय रातो मच्छिन्द्र नाथको क्षमा पूजा सम्पन्न ,आउँदो २६ गते बुंगमती लगिने

ललितपुर /बुंगद्यो रातो मच्छिन्द्रनाथको रथयात्रा प्रतिकात्मक रुपमा भएपनि सम्पन्न गरि उहाँ करुणामयलाई बुंगमती फर्काउनका निम्ति बुंगद्यो जात्रा व्यवस्थापन पुच:ले हिजो १९ सरोकारवाला र जातीय समुदायको सहमति अनुसार जारी गारिएको प्रेस विज्ञप्तिमा उल्लेख भए अनुसार आज कर्फ्युका बिच आज पुल्चोकमा बुंग करुणामयको क्षमा पुजा गरिएको छ ।
बिहानैदेखि बज्रयान विधि अनुसार ४ घण्टा लगाएर विधिपूर्वक पूजा गरिएको हो ।                                                         
हिजो जारी गरिएको सहमतिको प्रेस विज्ञप्तिका अनुसार भाद्र २१ गते सोर्‍हखुट्टे पाटीसम्म प्रतीकात्मक रूपमा रथ तान्ने , छ्वयलाबु गर्ने, भाद्र २२ गते भुज्याय् गर्ने र साइट हेर्ने तथा भाद्र भाद्र २६ गते रातो मच्चिन्द्र नाथलाई बुंगमती पुर्‍याउने कार्यक्रम तय गरिएको छ ।
यसरी यस वर्षको रातो बुंगद्यो मच्छिन्द्र नाथको रथयात्रा सम्पन्न हुनेछ ।