वर्ल्ड नेवा: अर्गनाइजेसन नेपाल कन्ट्री च्याप्टर नाय:पाखें राजीनामा

यें/ वर्ल्ड नेवा: अर्गनाइजेसन नेपाल कन्ट्री च्याप्टरया नाय: शाक्य सुरेनं नाय: पदं राजिनामा यानादीगु दु । नेपाल भाषा साहित्य व बुद्ध धर्म ख्यलय् यक्व ज्या यानादीम्ह वयकलं म्हिग:शनिबा: आकाझाकां राजिनामा बियादीगु खँ पिहांव:गु ख: ।
थ्वंयां न्ह्य: व हे पदय् च्वनादीम्ह वरिष्ठ पत्रकार पुष्कर माथेमां राजीनामा यानादीगु ख: धासा उगु थासय् वरिष्ठ उपाध्यक्ष शाक्य सुरेन कार्यवाहक नाय: जुयादीगु ख: ।
म्हिग: बहनी वयकलं थगु राजीनामा पौ पाखें हलिं नेवा: दबू नेपा: कव:या सचिवालययात जानकारी बियादीगु ख: ।
वयकलं स्वास्थ्यया कारणं राजीनामा बियादीगु खँ उल्लेख यानादीगु दु ।