पोखरामा योमरी महोत्सव

पोखरा/पोखरामा योमरी महोत्सव तथा सांस्कृतिक कार्यक्रम सुरु भएको छ । नेवा मिसा पुच:,कास्कीको समन्वयमा पोखरा महानगर पालिका वडा नम्बर ४ को सहकार्यमा आज शनिबार पोखराको ऐतिहासिक टोल गणेश टोलमा योमरी महोत्सव शुरू भएको हो । महोत्सवमा विभिन्न टोलका १७ वटा मिसापुचहरुको सहभागीता रहेको छ । महोत्सवमा ५ वटा योमरी स्टल रहेको छ । महोत्सवमा विभिन्न बिद्यालयहरुको सांस्कृतिक नृत्यहरु प्रस्तुत गरिएको थियो। नेवा: संस्कार संस्कृति जगेर्ना गर्ने मुख्य उद्देश्य सहित पोखरामा पाँचौ पटक यो योमरी महोत्सव आयोजना गरिएको हो । कार्यक्रम उद्धाटनका क्रममा पोखरा महानगर पालिकाका मेयर धनराज आचार्य , नेवा: खल: कास्कीका अध्यक्ष अशोक पालिखे र बिभिन्न क्षेत्रका व्यक्तित्वहाँरुको सह्भागिता रहेको थियो ।