जर्मनीमा नेवा: खल: ह्याम्बर्गको शुभकामना आदानप्रदान कार्यक्रम सम्पन्न

ह्याम्बर्ग, जर्मनी / जर्मनीको ह्याम्बर्गमा नेपाल संवत् ११४५ नयाँ वर्षको उपलक्ष्यमा शुभकामना आदानप्रदान तथा सांस्कृतिक कार्यक्रम सम्पन्न भएको छ ।
नेवा: खल: जर्मनीको आयोजनामा सम्पन्न उक्त कार्यक्रममा वर्ल्ड नेवा: अर्गनाइजेसनका अध्यक्ष संयुक्त श्रेष्ठ प्रमुख अतिथि थिए भने नेपालमा लामो समय बाजा सम्बन्धि अध्ययन गरेर गएका प्रा.डा. ग्रेट माथिएस येग्नर तथा गुरेन्टर स्फ्रेन्जर विशेष अतिथिका रुपमा सहभागी भएका थिए ।
नेपालको गौरवमय संस्कृति , भाषा, रितिरिवाज संरक्षण गर्ने र यसलाई नयाँ पुस्तालाई हस्तान्तरण गर्ने र बिदेशी नागरिकहरुलाई समेत यसबारे जानकारी गराउने उद्देश्यका साथ कार्याक्रम आयोजना गरेको ह्याम्बर्ग नेवा: खल:का अध्यक्ष मानव कुमार श्रेष्ठले बताए ।
कार्यक्रमको आकर्षण लाखे नाच र नृत्यहरु रह्यो । साथै डा. माथिएसको धिमे बाजा प्रस्तुति पनि आकर्षक थियो ।
आयोजक संस्थाका संस्थापक संरक्षक तथा वर्ल्ड नेवा: अर्गनाइजेसन युरोप कोअर्डिनेटर कुमार नापित तथा डा. मन्दिरा सैंजुले कार्यक्रम संचालन गरेका थिए ।
कार्यक्रम समापनपछि नेवा: परम्परागत भोज आयोजना गरिएको थियो ।