अमेरिकामा नेपाल संवतका प्रणेताको मूर्ति स्थापना गर्न मूर्ति हस्तान्तरण

काठमाडौं / अमेरिकाको मेरील्यान्डमा स्थापना गर्न नेपाल संवतका प्रणेता शंखधर साख्वाको प्रतिमूर्ति राष्ट्रिय बिभूति शंखधर साख्वा प्रातिष्ठानद्वारा नेपाः कम्युनिटी युएसएलाई थिमिमा एक कार्यक्रमकाबीच हस्तान्तरण गरिएको छ ।
कलाकार धर्मराज शाक्यबाट पशुपतिकाे शंखधर शाख्वाकाे प्रतिमूर्ति स्वरुप ढुंगाकाे मुर्ति बनाइएकोमा त्यसलाई कलाकार लक्ष्मीकृष्ण प्रजापतिले फाईबर ग्लासमा ढालेको उक्त मूर्ति राष्ट्रिय विभूति शंखधर साख्वाः प्रतिष्ठान, मध्यपुर थिमिको तर्फबाट मध्यपुर थिमिका मेयर सुरेन्द्र श्रेष्ठले अमेरिकास्थित बाल्टिमोरका लागि नेपाः कम्युनिटी USA का संरक्षक बैकुण्ठमान श्रेष्ठलाई एक कार्यक्रम बीच हस्तान्तरण गरिएको हो । प्रतिष्ठानका अध्यक्ष ज्ञानराम श्रेष्ठको सभापतित्वमा सम्पन्न कार्यक्रममा उप मेयर विजयकृष्ण श्रेष्ठ, निवर्तमान मेयर मदनसुन्दर श्रेष्ठ, प्रतिष्ठानका पूर्व अध्यक्षहरू मदनकृष्ण श्रेष्ठ, श्यामकृष्ण मानन्धर, चन्दनकृष्ण श्रेष्ठ लगायतले शुभकामना व्यक्त गरेका थिए।