काठमाडौं–८ मा रास्वपाको पूर्ण कमिटी बैठक, संगठन सुदृढीकरणबारे छलफल

काठमाडौं । राष्ट्रिय स्वतन्त्र पार्टी (रास्वपा) काठमाडौं क्षेत्र नं. ८ को तेस्रो पूर्ण कमिटी बैठक विशेष छलफलसहित सम्पन्न भएको छ।

बैठकमा रास्वपा काठमाडौं जिल्ला सभापति राजा शाक्य प्रमुख अतिथिका रूपमा सहभागी भएका थिए। त्यस्तै प्रदेश सदस्य इन्दिरा गौतम, काठमाडौं महानगर समिति संयोजक शशी पन्त तथा नागार्जुन नगर सभापति राजन कोइराला अतिथिका रूपमा सहभागी थिए।

बैठकमा काठमाडौं महानगरपालिकाका वडा नं. १३, १५, १९, २०, २३ र २४ तथा नागार्जुन नगरपालिका वडा नं. ४ र ५ का वडा सभापति तथा उनीहरूका प्रतिनिधिहरूको सहभागिता रहेको थियो।

बैठकमा क्षेत्र नं. ८ अन्तर्गतको संगठनात्मक अवस्था, आगामी कार्यदिशा तथा विभिन्न विषयमा विशेष छलफल गरिएको जनाइएको छ।

बैठकमा सहभागी सम्पूर्ण पदाधिकारी, सदस्य तथा प्रतिनिधिहरूप्रति आयोजकले आभार व्यक्त गरेको छ। बैठकको अध्यक्षता राष्ट्रिय स्वतन्त्र पार्टी काठमाडौँ निर्वाचन क्षेत्र नं ८ का संयाेजक मिरा महर्जनले गरेका थिए ।

बैठकले क्षेत्रीय संगठनलाई थप व्यवस्थित र प्रभावकारी बनाउँदै आगामी गतिविधिलाई अघि बढाउने विषयमा छलफल गरेको जनाइएको छ।