जनकवि दुर्गालाल श्रेष्ठको ९३ वर्षको उमेरमा निधन

काठमाडौँ — नेपालभाषा साहित्यका शीर्ष पुरुष, जनकवि दुर्गालाल श्रेष्ठको ९३ वर्षको उमेरमा आइतबार साँझ निधन भएको छ। लामो समयदेखि अस्वस्थ रहनुभएका श्रेष्ठको भुइजःसी (बुढानिलकण्ठ) स्थित आफ्नै निवासमा निधन भएको हो।

स्वास्थ्यमा समस्या देखिएपछि उहाँलाई एक साताअघि नर्भिक अस्पतालमा भर्ना गरेर उपचार गरिएको थियो।

साहित्यिक तथा सांस्कृतिक योगदान

• कालजयी गीतहरू: उहाँले रचना गर्नुभएका “फूलको आँखामा फूलै संसार…”, “सयथरी बाजा एउटै ताल…” जस्ता थुप्रै सर्वप्रिय गीतहरू नेपाली संगीत आकाशमा अमर छन्।

• ऐतिहासिक कृतिहरू: नेपालभाषामा रचित ‘निमन्त्रणा’ जस्तो नेपालकै पहिलो ब्याले (गीतिनाट्य) लगायत उहाँका थुप्रै कविता, गीत तथा बालसाहित्यका चर्चित कृतिहरू प्रकाशित छन्।

• नेतृत्व: उहाँ नेपालभाषा मंकाः खलःका पूर्व अध्यक्ष भई नेपालभाषा आन्दोलन र भाषा-साहित्यको प्रवर्द्धनमा अग्रणी भूमिका निर्वाह गर्नुभएको थियो।

जनकवि श्रेष्ठका श्रीमती, दुई छोरा र एक छोरी हुनुहुन्छ। पारिवारिक स्रोतका अनुसार उहाँको पार्थिव शरीरको अन्तिम संस्कार आगामी मङ्गलबार गरिनेछ।

जनकवि दुर्गालाल श्रेष्ठको ऐतिहासिक गीत नेपाल भाषा आन्दोलनको “घा: जुया: जक ख्वैगु ख: ” या प्रिमियर कार्यक्रमको तस्वीर ।

उहाँको निधनले नेपाली साहित्य र सांस्कृतिक भाषिक आन्दोलनको क्षेत्रमा अपूरणीय क्षति पुगेको छ।