महिला साफ च्याम्पियनसिपको उपाधि बङ्गलादेशलाई, नेपाल उपविजेतामा सीमित

काठमाडौँ / साफ महिला च्याम्पियनसिप २०२४ मा बङ्गलादेशले विजयी हुदै उपाधि रक्षा गरेको छ। बुधबार दशरथ रङ्गशालामा भएको रोमाञ्चक फाइनल खेलमा बङ्गलादेशले नेपाललाई २–१ ले पराजित गर्‍यो।
खेलको पहिलो हाफमा दुबै टिमले गोल गर्न नसकेपछि, दोस्रो हाफको ५२ औं मिनेटमा बङ्गलादेशका मोनिका चक्माले खेलको पहिलो गोल गरिन्। तर नेपालले पनि प्रतिकार गर्दै ५६ औं मिनेटमा अमिशा कार्कीले गोल गर्दै खेललाई बराबरीमा ल्याइन्।
तर खेलको अन्तिम समयतिर, ८१ औं मिनेटमा बङ्गलादेशका रितु चक्माले निर्णायक गोल गर्दै नेपाललाई उपविजेतामा सीमित गराइन्। नेपालको तर्फबाट गोलकिपर एन्जिला तुम्बापो लिम्बुको बचाउने प्रयास असफल भएपछि बङ्गलादेशले लगातार दोस्रो पटक साफ महिला च्याम्पियनसिपको उपाधि जित्न सफल भयो।

यसैबीच काठमाडौ महानगरले उपबिजेता महिला टोलीलाइ आज नै सम्मान स्वरुप रु २५ लाख नगद प्रदान गरेको छ ।