“व वइतिनि” ( चिबाखंया निगूगु ब्व )

बबिताया आखःग्वः मोबाइलय् स्वस्वं रंजनया ख्वयेला न्हिलेला जुल ।

व गबायत कू नयाः च्वन ।

अले बुलुहुॅ बबितायात मेसेज टाइप यात , ” जिउ , प्यन्हुत्वाः मंगलवाः खुन्हु न्हिनसिया प्यघौया इलय् झी छकः व हे भ्वय् छेय् नापलाये । माःथे याये । जि पियाच्वने । बबिता मवय् मदु ।

+ + +

धाःखुन्हु हे बबिता भ्वय् छेय् थ्यंकःवन । रंजन पिया हे च्वन । तेबिलय् छगः गिफ्ट बक्सय् पोचिनातःगु रिबनबाला अले कापः उलाछ्वत । व ला छगः केक जुयाच्वन । उकी च्वयातल , ” हाप्पी बर्थ डे टु यू , बबिता । ” नापसं पौ छपौ नं दु । उकी च्वयातल — ,” जि मदुसां छ च्वनेफु खनी तर छ मदेक जि च्वने मफु । झी छिंछिंकथं हे ह्वने । गबलें बायावने मखु , गबलें । “

दनाच्वंम्ह बबिताया इकुमकु धायावल । गनं छकः बः कायेमाः थे जुल । मिखा प्यानावल । व रंजनया ब्वहलेसं लिधनाछ्वत !!!