आज: | Mon, 09, Mar, 2026

मन्दिर बनाउन जग खन्दा भेटिए प्राचीन मूर्ति

सुभाय् संवाददाताJuly 25, 2021 मा प्रकाशित (४ साल अघि) अनुमानित पढ्ने समय : ११ मिनेट

सप्तरी / अग्निसाइर कृष्णसवरन गाउँपालिका–२ स्थित अग्निसाइर मन्दिर निर्माण गर्न जग खन्ने क्रममा २९ वटा कलात्मक मूर्ति भेटिएका छन्। मन्दिरका अध्यक्ष सुरेश चौधरीले मन्दिर परिसरमा आइतबार आयोजित एक कार्यक्रममा ती मूर्ति अग्निसाइर मन्दिरका पुजारीलाई ती मूर्ति हस्तान्तरण गरेका छन्।

मन्दिर बनाउन जग खन्ने क्रममा ढुंगामा कुँदिएका कलात्मक मूर्ति भेटिएका र तिनलाई सुरक्षित रूपमा व्यवस्थापन गर्न वडा कार्यालयलाई जिम्मा दिने निर्णय भएको मन्दिरका पुजारी चौधरीले बताए।

मूर्ति हस्तान्तरण गर्नुअघि सर्वसाधारण र स्थानीय जनप्रतिनिधिको उपस्थितिमा तिनलाई सार्वजनिक गरिएको थियो।

कार्यक्रममा अग्निसाइर कृष्णासवरन गाउँपालिका–२ का वडाध्यक्ष पशुपति चौधरी, साविक सीतापुर गाविसका पूर्वअध्यक्ष सहवीर चौधरी, साविक हरिहरपुर गाविसका अध्यक्ष बद्रीनारायण चौधरी, राजनीतिक दलका प्रतिनिधि, सामुदायिक वनका पदाधिकारीको उपस्थिति थियोे।

रासस