उपत्यकामा खाद्यान्न, तरकारी पसल विहान ९ः१५ बजेसम्म मात्र खोल्न पाइने

काठमाडौ / काठमाडौं उपत्यकामा अब खाद्यान्न तथा तरकारी, फलफुल पसल बिहान ९ः१५ बजेसम्म खोल्न पाइने भएको छ । काठमाडौँ ललितपुर ,भक्तपुर जिल्लाका प्रमुख जिल्ला अधिकारीको बैठकले यस्तो निर्णय गरेको हो ।
दैनिक उपभोगका सामान बिक्री गर्ने पसल बिहान ७ बजेसम्म मात्र पसल खुल्ने वा सबैतिर एकै किसिमको व्यवस्था हुन नसकेपछि यो निषेधाज्ञाको बेला उपभोक्ताले दुख ब्यहोर्नु परेको कुरा आएपछि ९ ।१५ बजे सम्म खोल्न दिने निर्णय गरेको बताइएको छ।
काठमाडौंका प्रमुख जिल्ला अधिकारीले जानकारी दिए अनुसार खाद्यान्न , तरकारी , मासु लगायत पसल बिहान मात्र खुल्न पाइनेछ भने स्वास्थ्य सामग्री, औषधि,पानी विक्री वितरण गर्ने पसल भने दिनभरि पनि खोल्न सकिने छ।