ग्लोबल नेवा: कन्फ्रेन्स / गैर आवासीय नेपाली संघका प्रतिनिधि स्वागत तथा मचा सिरपा कार्यक्रम

काठमाडौं /नेवा: एकता अभियानको आयोजनामा काठमाडौंको नेपा: ब्यांक्वेटमा आज असोज २७ गते ग्लोबल नेवा: कन्फरेन्स सुरु भएको छ ।
प्रमुख अतिथी उद्योगपति समाजसेवी लक्ष्मीदास मानन्धरको प्रमुख आतिथ्यमा भएको उक्त कार्यक्रममा बिदेशमा बसोबास गरिरहेका नेपालीहरुको संस्था गैर आवासीय नेपालीहरुको सम्मेलनमा भागलिन आएका नेपालीहरुलाई पनि स्वागत गर्ने कार्यक्रम भयो ।”३ करोड नेपालीहरुमध्ये ८० लाख नेपाली कामको सिलसिलामा नेपाली बाहिर बस्नुपरेको दुखेसो छ” भन्दै गैर आवासीय नेपाली संघका एक उम्मेदवारले आफूहरु विदेशमा बसेर पनि आफ्नो भाषा संस्कृति बचाइ राख्ने कार्यमा कृयाशिल रहेको बताए ।
गैर नेपाली संस्थामा यसपटक आदिवासी जनजातिले आफ्नो एकता देखाउनु पर्ने भन्दै कोषाध्यक्ष उम्मेदवार रविन बज्राचार्यले यस संस्थाको औचित्यबारे प्रष्ट पार्नुभएको थियो
साथै उक्त कार्यक्रममा बाल कविताका बिजयी बालबालिकालाई पुरस्कार पनि प्रदान गरिएको थियो ।
कार्यक्रम नेवा: एकता अभियानका संयोजक सुनिल कुमार शाक्यको सभापतित्वमा भएको थियो ।