सः छगू अभिव्यक्तिया झिंप्यक्वःगु श्रृंखला

यल/ सः छगू अभिव्यक्तिया झिंप्यक्वःगु श्रृंखला वंगु शनिवाः जुल । प्रत्येक लाया न्हापांगु शनिवाः स्वम्ह श्रष्टायात ब्वनाः न्ह्याका वयाच्वंगु थुगु ज्याझ्वः अन्तर्गत थुगुसी निर्मल वज्राचार्य, बसन्त नकःमि व दिलकुमारी डंगोलं थःथःगु चिबाखं ब्वनाः न्यंकादीगु खः ।
स्वम्हं श्रष्टां म्हतिं न्यापु न्यापु बाखं ब्वनाः न्यंकादीगु ज्याझ्वलय् पाठ जूगु बाखंयात कयाः साहित्यकार ध्रुव मधिकःमिं समीक्षा यानादीगु खः ।
रचना पाठ यानादीपिं श्रष्टानापं ज्याझ्वलय् ब्वति कयादीपिंमध्ये छम्हेसित गोलप्रथां मतिनाया चिं लःल्हायेगु परम्पराकथं पूर्णिमा शाक्ययात ग्वसाः खलःया सुधीर ख्वबिं मतिनाया चिं लःल्हानादीगु खः ।
चिबाखँ लिसें पूवंक ज्याझ्व:या भिदियो स्वयादिसं  –