श्याम–विश्व सिरपाः नरेश अमात्ययात , “लाल्टिन” विमोचन 

ख्वप, पाेहेलाथ्व पारू ।”याताज: नेपाल भाषा साहित्य श्याम–विश्व सिरपा” बिइगु ज्याझ्व:लिसें “लाल्तीन” सफू विमोचन जूगु दु ।

वंगु शुक्रवा: याताजः नेपालभाषा साहित्य दबूया ग्वसालय् ‘याताजः नेपालभाषा साहित्य श्याम–विश्व सिरपाः—११३९’ नरेश अमात्ययात मूपाहाँ शताब्दी पुरुष सत्यमोहन जोशीं लःल्हानादीगु दु । नरेश अमात्यया “आखें” चिबाखँ सफूपाखें थुगु सिरपा त्याकादीगु ख: । उगुहे ज्याझ्वलय् श्याम आशाया ‘लाल्टिन’ चिबाखं मुना सफू पितब्वज्या ख्वपया गःपलिइ जूगु दु ।

साहित्यकार सौरव शाक्यया नायःसुइ हसना लवःजुं ज्याझ्वः न्ह्याकादीगु खः । बाखं च्वमि कृष्णभक्त बोडें लसकुस न्वचू तयादीगु खःसा विमल ताम्राकारं सुभाय् न्वचू तयादीगु खः । ज्याझ्वलय् मुपाहाँ जोशी व साहित्कार योगेन्द्र प्रधानं भिंतुना न्वचू तयादीगु खः ।

नेवाः सूचना केन्द्र(नेसुके)