शंखरापुर सक्व महोत्सव २०८१ सुरु भोलि हुँदै

शंखरापुर सक्व महोत्सव २०८१ को भोलिबाट सुरु हुँदैछ । साँखुमा एक परम्परागत डबलीमा महोत्सवको उद्घाटन हुँदैछ ।
नगर प्रवक्ता समेत रहेका महोत्सव समारोह समितिका कार्यक्रम संयोजक राधाकृष्ण श्रेष्ठका अनुसार भोलि बिहान १० बजे सांस्कृतिक ¥यालीले नगर परिक्रमा गरिसकेपछि सांगल टोलको डबलीमा बागमती प्रदेशका संस्कृति पर्यटन मन्त्री विमल ठकुरीको प्रमुख आतिथ्यमा औपचारिक कार्यक्रम हुनेछ ।
कार्यक्रममा उपत्यकाका विभिन्न नगर पालिकाका नगर प्रमुखहरु, उद्योग वाणिज्यका संघ, च्याम्बर अफ कमसर्, संस्थाका प्रतिनिधिहरु राजनीतिक दलका प्रतिनिधिहरु समेतको उपस्थिति रहने छन ।
साँखुको शालीनदीमा लाग्ने एकमहिने माघ मेलाको अवसरमा सम्पदा वस्ती साँखुमा पर्यटन प्रवद्र्धनको नारासहित यो महोत्सव आयोजना हुन लागेको हो ।
महोत्सवमा स्थानीय संस्कृतिको साथै लोकदोहरी प्रतियोगित पनि हुनेछ ।
महोत्सवमा १७ गते हुने कुमा सागर र उनको ख्वप बायन्डको कन्सर्टलाई निकै आकर्षकका रुपमा हेरिएको छ ।
महोत्सवमा लोकप्रिय कलाकार रवि डंगोल र पूर्ण थापा जोडी, भीमसेन रिसाल र अन्नपूर्णेश्वरी श्रेष्ठको जोडीको प्रहशनका साथै अन्य कलाकारहरुको प्रस्तुति पनि रहनेछ । चित्रकला,हस्तकला प्रदर्शनीका साथै जीवन्त म्युजियमका रुपमा परम्परा सामाग्रीहरु पनि प्रदर्शनीमा राखिने छ ।साथै महोत्सव भ्रमणका क्रममा बिभिन्न परिकारको पनि स्वाद लिन पाइने छ ।
शंखरापुरका मेयर रमेश नापित संयोजकत्वमा कार्यक्रम सफलतापूर्वक सम्पन्न गर्न २१ वटा उपसमितिहरु गठन गरी कार्य अगाडि बढाइएको थियो ।