सुभाय् पोस्ट सहयोगी रितादेवी प्रधान एन आर एन ए बोर्ड डाइरेक्टरमा विजयी

कोलोराडो प्रतिनिधि / सुभाय् पोस्ट डट कम डिजिटल पत्रीकाका सहयोगीका रूपमा रहनु भएका नेपाल भाषा साहित्यका साधक सामाजिक अभियन्ता रितादेवी प्रधान एनआरएनए अमेरिकाको बोर्ड अफ डाईरेक्टर पदमा विजय हुनुभएको छ ।

गैर आवासीय नेपाली सङ्घ, राष्ट्रिय समन्वय परिषद् , अमेरिकाको सम्पन्न निर्वाचनमाबाट उहाँले सम्मानजनक मत सहित बिजय हासिल गर्नुभएको हो । सत्तरी वर्षको उमेरमा पनि युवा जोश सहित चुनावी मैदानमा आउनुभएका उहाँले अमेरिकामा नेपालको भाषा संस्कृति संबर्द्धन गर्ने त्यहाँ रहेको नेपाली समुदायको समन्वयकारी भूमिका खेली समस्या र चुनौतीलाई समाधान गर्दै लैजान पहल गर्ने बताउनु भएको थियो ।

निर्वाचित भैसकेपछि उहाँले निर्वाचनमा भाग लिनुहुने सम्पूर्ण महानुभावहरू प्रति हार्दिक आभार व्यक्त गर्दे बोर्ड अफ डाईरेक्टर पदमा विजय गराउन मतदान गर्नु हुने सम्पूर्ण महानुभावहरू प्रति पनि हार्दिक आभार प्रकट गर्नुभएको छ ।
सुभाय् पोस्ट डट कम उहाँको उत्तरोत्तर प्रगतिको कामना गर्दछ ।

यसैगरी गैर आवासीय नेपाली संघ राष्ट्रिय समन्वय परिषद अमेरिकाको २०२३-२०२५ कार्यकालको लागि भर्खरै मात्र सम्पन्न निर्वाचनमा केन्द्रीय अध्यक्षमा विजयी डा. अर्जुन बन्जाडे तथा कोलोराडोबाट प्रतिनिधित्व गर्दै विजयी हुनुभएका बोर्ड मेम्बर नवराज न्यौपाने, बोर्ड मेम्बर निमा शेर्पा लगायतका पदाधिकारीहरू, यसैगरी कोलोराडो च्याप्टरबाट  अध्यक्षमा प्रकाश पौडेल पदाधिकारीहर विजयी भएका छन्। अन्य क्षेत्रबाट पनि परिणाम आउने क्रम जारी छ ।