एकेडेमिया ब्वमि चपा:या न्हापांगु ज्याझ्व:

११४६ कछलागा ३(कार्तिक २२ गते),काठ्माडौं/ नेपालभाषा एकेडेमिया ब्वमि चपा:या न्हापांगु ज्याझ्व: जुल । ज्याझ्वलय् एकेडेमिया संरक्षक, साहित्यकार यज्ञरत्न धाख्वा:या `हिराया मू´ बाखं मुनाय् दुथ्या:गु न्हय्‌पु बाखंयात कुलेगु ज्या: जुल । ज्याझ्वलय् चान्सलर मल्ल के सुन्दर, संरक्षक यज्ञरत्न धाख्वा:नं नुग:खँ तयादीगु ख:  ।
  भाइस चान्सलर डा.पुष्पराज राजकर्णिकारं न्ह्याकादीगु ज्याझ्वलय् छसिकथं केदार सितु, दीपकराज ख्वप, कुन्दनप्रसाद श्रेष्ठ, सुधिर ख्ववि,महेश स्थापित,लोचनतारा तुलाधर व प्रयागमान प्रधानं बाखंयात कुलादीगु ख: । ४३म्ह स्रष्टापिसं ब्वतिकया दीगु ज्याझ्वलय् बंशीधर बज्राचार्य व धर्मराज राजकर्णिकारं नं मचा:मगागु खँय् कुलादीगु ख: ।